ۇلى وتان سوعىسىنىڭ 80 جىلدىعىنا ارنالعان اسكەري پارادقا دايىندىق اياسىندا ەلىمىزدە اسكەري تەحنيكانى تاسىمالداۋ جانە جەكە قۇرامنىڭ قوزعالىسى باستالادى. بۇل تۋرالى قورعانىس مينيسترلىگى مالىمدەدى, دەپ جازادى Egemen.kz.
مينيسترلىكتىڭ حابارلاۋىنشا, 2024 جىلعى 13 ناۋرىزدان باستاپ اسكەري تەحنيكانىڭ تەمىرجول ارقىلى جانە ءوز جۇرىسىمەن قوزعالىسى جوسپارلانعان. وسىعان بايلانىستى كەيبىر ايماقتاردا جولداردىڭ جەكەلەگەن ۋچاسكەلەرىندە ۋاقىتشا شەكتەۋلەر ەنگىزىلۋى مۇمكىن.
«2025 جىلعى 22 ءساۋىر مەن 7 مامىر ارالىعىندا اسكەري اۆياتسيانىڭ جاتتىعۋ ۇشۋلارىن جۇرگىزۋ ءۇشىن استانا قالاسىندا اۋە كەڭىستىگىن پايدالانۋعا قىسقا مەرزىمدى شەكتەۋلەر قويىلادى. وسىعان بايلانىستى اۋە رەيستەرىنىڭ كەستەسىنە دە وزگەرىستەر ەنگىزىلۋى مۇمكىن. ءبىز ازاماتتارعا رەيستەر تۋرالى اقپاراتتى الدىن الا ناقتىلاۋدى ۇسىنامىز», دەلىنگەن حابارلامادا.
قورعانىس مينيسترلىگى ازاماتتاردى ەنگىزىلگەن شەكتەۋلەرگە تۇسىنىستىكپەن قاراۋعا, جالعان اقپارات تاراتپاۋعا جانە تەك رەسمي دەرەككوزدەرگە سۇيەنۋگە شاقىرادى.