1971 جىلى 24 جەلتوقساندا LANSA 508 رەيسى پەرۋدەن ۇشىپ شىعادى. الايدا كوپ ۇزاماي ۇشاقتى نايزاعاي سوعىپ, امازونكانىڭ قالىڭ دجۋنگليىنە قۇلايدى. ۇشاقتاعى 92 ادامنىڭ ىشىنەن جالعىز عانا 17 جاستاعى يۋليانە كيوپكە ءتىرى قالادى.
تاڭعالارلىعى, ۇشاق اپاتىنان امان قالعان قىزدىڭ باسىنا بۇدان دا قيىن سىناق كەلەدى. يۋليانە اپات سالدارىنان جابايى دجۋنگليدىڭ ورتاسىندا جالعىز قالعان ەدى. بىراق ول اكەسىنىڭ: «ەگەر ورماندا اداسىپ قالساڭ, سۋدىڭ اعىسىن جاعالاي ءجۇر», دەگەن ءسوزىن ەسكە تۇسىرەدى. ول جاراقاتىنا قاراماستان 11 كۇن بويى قالىڭ نۋدى ارالاپ, وزەن بويىمەن ءجۇرىپ وتىرادى. وسىلايشا, قۇتقارۋشىلارعا كەزدەسىپ, امان قالعان.