اسپاننان بالىق جاۋعان دەسە, ءسىرا سەنبەسسىز. بىراق بۇل – تابيعاتتىڭ تاعى ءبىر عاجابى. گوندۋراستىڭ يورو قالاسىندا جىل سايىن «بالىق جاۋىنى» بولادى.
بۇل قۇبىلىس مامىر مەن ماۋسىم ايلارىندا ورىن الادى. جەرگىلىكتى تۇرعىنداردىڭ ايتۋىنشا, نايزاعاي ويناپ, قاتتى جەل سوققاننان كەيىن اسپاننان بالىقتار جاۋادى. عالىمدار مۇنى اۋا اعىسىنىڭ كۇشتى قۇيىنى تەڭىزدەگى بالىقتاردى كوتەرىپ الىپ, جاڭبىرمەن بىرگە قۇرلىققا اكەلەتىن سيرەك قۇبىلىس دەپ تۇسىندىرەدى. بىراق جەرگىلىكتى تۇرعىندار بۇنى قۇدايدىڭ سىيى دەپ قابىلدايدى.