مەملەكەتتىك باسقارۋ جۇيەسىنىڭ اجىراماس بولىگى سانالاتىن ىشكى مەملەكەتتىك اۋديت, قارجىلىق باقىلاۋ قىزمەتى بيۋدجەت قاراجاتىن, كۆازيمەملەكەتتىك سەكتور اكتيۆتەرىن پايدالانۋ بارىسىنداعى ايقىندىلىقتى, تيىمدىلىكتى, جاۋاپكەرشىلىكتى ارتتىرۋعا باعىتتالعان.
وسى ورايدا قىزىلوردا وبلىسى بويىنشا ىشكى مەملەكەتتىك اۋديت دەپارتامەنتى زاڭ تالاپتارىنا ساي, تاباندى, ناتيجەلى جۇمىس اتقارىپ كەلەدى. وعان وتكەن جىلى جۇرگىزىلگەن اۋديتورلىق قىزمەت كورسەتكىشتەرى ناقتى دالەل. دەپارتامەنت تاراپىنان قىزىلوردا وبلىسىنداعى قۇرىلىس جانە تۇرعىن ءۇي-كوممۋنالدىق شارۋاشىلىقتارى, ءبىلىم بەرۋ, دەنساۋلىق ساقتاۋ, سپورت, سۋ شارۋاشىلىعى سالالارى بويىنشا جۇرگىزىلگەن بارلىعى 84 اۋديتورلىق ءىس-شارامەن 34 492,3 ملن تەڭگە قاراجات قامتىلىپ, ناتيجەسىندە, جالپى سوماسى 16 392,4 ملن تەڭگەدەن استام بۇزۋشىلىق انىقتالدى. ونىڭ ىشىندە قارجىلىق دەن قويۋ شارالارىمەن بيۋدجەتكە وتەلگەنى, قالپىنا كەلتىرىلگەنى 8 851,1 ملن تەڭگەنى, نەمەسە 95,1%-دى قۇرادى.
2015 جىلعى 12 قاراشاداعى №392 «مەملەكەتتىك اۋديت جانە قارجىلىق باقىلاۋ تۋرالى» زاڭنىڭ 5-بابىنا سايكەس قازىردە دەپارتامەنت انىقتاعان بۇزۋشىلىققا قاتىستى مەملەكەتتىك قارجىلىق باقىلاۋدىڭ دەن قويۋ شارالارىن جۇرگىزۋ جۇمىسى جالعاسىپ جاتىر.
مۇرات ەسەنباەۆ,
قىزىلوردا وبلىسى بويىنشا ىشكى مەملەكەتتىك اۋديت دەپارتامەنتى سايكەستىك اۋديت ءبولىمىنىڭ باسشىسى