جۋىردا ءبىزدىڭ باسىلىمدا («Egemen Qazaqstan» 29.01.2025) بەلگىلى ادەبيەتتانۋشى, فيلولوگيا عىلىمدارىنىڭ دوكتورى, پروفەسسور جانعارا دادەباەۆتىڭ بىرەگەي تۇلعا ءسۇيىنباي ارون ۇلى تۋرالى «اقىندىق ونەردىڭ اقيىعى» اتتى ماقالاسى جارىق كوردى.
بيىل الىپ تۇلعانىڭ تۋعانىنا 210 جىل تولىپ وتىر. وسى ايتۋلى داتاعا وراي جاريالانعان ماقالادا عالىم قازاقتىڭ اقىندىق ونەرىن بيىككە كوتەرگەن ءبىرتۋار ءدۇلدۇلدىڭ ەڭبەگىن ايشىقتى كورسەتكەن. سونداي-اق ۋاقىت وتكەن سايىن اقىن مۇراسىنىڭ كوركەمدىك-ەستەتيكالىق بايلىعى مەن قۇندىلىعى جارقىراي تۇسكەنىن كوركەم زەردەلەگەن.
سوعان وراي قازاقستان رەسپۋبليكاسىنىڭ مەملەكەتتىك كەڭەسشىسى ەرلان قارين ءال-فارابي اتىنداعى قازاق ۇلتتىق ۋنيۆەرسيتەتىنىڭ پروفەسسورى جانعارا دادەباەۆقا «Egemen Qazaqstan» گازەتىندە جاريالانعان اقيىق اقىن ءسۇيىنباي ارون ۇلى تۋرالى ماقالاسى ءۇشىن العىس حات جولدادى. العىس حاتتا ەرلان تىنىمباي ۇلى اقىندىق ونەر تۋرالى قوعامدىق, الەۋمەتتىك ماڭىزى تەرەڭ وي ايتقان ماقالا اۆتورىنا ريزاشىلىعىن بىلدىرگەن. وسىعان بايلانىستى تانىمال ادەبيەتتانۋشى باسىلىمعا جولداعان حاتىندا مەملەكەتتىك كەڭەسشى مەن «Egemen Qazaqstan» گازەتى ۇجىمىنا زور قۇرمەتىن جەتكىزدى.