ۇلتتىق قوردىڭ بالالارعا كومەگى

2025 جىلعى 1 اقپانداعى جاع­داي بويىنشا بجزق 62 697 ءوتىنىش ورىندادى. ونىڭ ىشىندە تۇرعىن ءۇي جاعدايلارىن جاق­سار­تۋ ماقساتىندا 3,63 ملن-نان استام اقش دوللارىنا 36 119 ءوتىنىش, ءبىلىم الۋ اقىسىن تولەۋ ءۇشىن شامامەن 2,67 ملن اقش دوللارىنا 26 578 ءوتىنىش ورىندالدى. نىسانالى جيناقتاردى الۋشى بارلىق سومانى نەمەسە ونىڭ ءبىر بولىگىن پاي­دالانۋعا قۇقىلى, اقشا­نىڭ پايدالانىلماعان قال­دىعى نىسانالى جيناقتاۋ شوتىندا قالا بەرەدى.

تۇرعىن ءۇي جاعدايلا­رىن جاق­­­­سارتۋ اياسىندا ەل تۇر­عىندارى قارجىلارىن كوبى­نەسە مىناداي ماقسات­تا پايدالاندى: ودان ءارى جيناقتاۋ ءۇشىن تۇرعىن ءۇي قۇرىلى­سى جيناقتارىنداعى سالىمدى تولىقتىرۋ – شامامەن 3,53 ملن اقش دوللارىنا 35 113 ءوتىنىش, تۇرعىن ءۇي ساتىپ الۋعا يپوتەكالىق تۇرعىن ءۇي قارىزىن الۋ ءۇشىن باستاپقى جارنانى ەنگىزۋ – شامامەن 30,27 مىڭ اقش دوللارىنا 304 ءوتىنىش, ازاماتتىق-قۇقىقتىق مامىلەلەر بو­يىن­­شا مەنشىككە تۇرعىن ءۇي ساتىپ الۋ (تۇپكىلىكتى ەسەپ ايى­رىسۋ) – شامامەن 29,60 مىڭ اقش دوللارىنا 295 ءوتىنىش ورىندالدى.

ءبىلىم الۋ اقىسىن تولەۋ بو­يىنشا ەڭ تانىمال قو­سالقى ماق­ساتتار: ءبىلىم ۇيىم­­دارىنىڭ ءبىلىم بەرۋ قىزمە­تتەرىنە ۇلەس­تەرمەن ء(اربىر اكادەميالىق كەزەڭ نەمەسە وقۋ جىلى ءۇشىن) نەمەسە ءبىر رەت تولىق كولەمدە (بۇكىل وقۋ مەرزىمى ءۇشىن) اقى تولەۋ (2,25 ملن اقش دوللارىنا 22 435 ءوتىنىش ورىندالدى), ءبىلىم الۋ ءۇشىن جي­ناق­تاۋ سالىمى تۋرالى شارت بويىنشا ءبىلىم الۋ جيناقتاۋ سالىمىن تولىقتىرۋ (314,86 مىڭعا جۋىق اقش دوللارىنا 3 133 ءوتىنىش ورىندالدى), شەتەلدىك ءبىلىم ۇيىم­دارىنىڭ وقىتۋ قىز­مەتتەرىنە ۇلەستەرمەن ء(ار­بىر اكا­دەميالىق كەزەڭ نەمەسە وقۋ جىلى ءۇشىن) نەمەسە تولىق كولەمدە بىرجولعى (بۇكىل وقۋ مەر­زىمى ءۇشىن) اقى تولەۋ (88,47 مىڭ اقش دوللارىنا 880 ءوتىنىش ورىندالدى).

«ۇلتتىق قور – بالا­لارعا» باع­دار­لاماسىنا قاتىسۋ­شى­لاردىڭ جالپى سانى (2024 جىلعى 31 جەلتوقسانداعى جاع­داي بويىنشا) – 6 921 035 بالا. 324 430 قاتىسۋشى 2025 جىلى 18 جاسقا تولادى. ەسەپتى جىلى بارلىق بالاعا بىردەي سوما ەسەپ­تەلىپ, ونىڭ ءبىر بالاعا شاققانداعى مولشەرى – 129 اقش دوللارى 38 تسەنت. 2024 جىلى ۇلتتىق قوردان العاشقى قاراجات ەسەپتەلگەن بالالارعا, 2006 جىلى تۋعان بالالاردى قوسپاعاندا, 3,04 اقش دوللارى مولشەرىن­دە ينۆەستيتسيالىق كىرىس ەسەپتەلدى. ناتيجەسىندە, باع­دارلاماعا 2 جىل قاتا­رىنان قاتىسقان بالانىڭ نىسانالى جيناقتارى 232 اقش دوللارى 94 تسەنتىنە جەتتى.