كىشكەنتاي بالا ءبىر قاۋىپتەن امان قالعاندا «پەرىشتەسى قاقتى» دەپ جاتادى. ال دجەيمس حارريسون 2 ميلليوننان استام نارەستەنىڭ ءومىرىن قۇتقارىپ قالعان.
14 جاسىندا اۋىر وكپە ينفەكتسياسىمەن اۋرۋحاناعا ءتۇسىپ, 14 ليتر قان قۇيىلىپ امان قالعان دجەيمس بولاشاقتا ءوزى دە دونور بولۋعا بەكىنەدى. 18-گە تولىپ العاش قان تاپسىرعان كەزدە دارىگەرلەر ونىڭ قانىندا ەرەكشە انتيدەنەلەر بار ەكەنىن انىقتايدى. بۇل انتيدەنەلەر رەزۋس-كونفليكت كەزىندە نارەستەلەردى ولىمنەن ساقتايتىن انتي-D يممۋنوگلوبۋلين ءدارىسىن جاساۋعا كومەكتەسكەن. 60 جىلدان استام ۋاقىت ىشىندە حارريسون 1 173 رەت قان تاپسىرىپ, 2 ميلليوننان استام نارەستەنىڭ ءومىرىن قۇتقارىپ قالعان.