ءبىر ساتكە ءومىرىڭىزدىڭ ءار كۇنىن, ءار ءساتىن, ءتىپتى اۋا رايىنا دەيىن ءدال ەسىڭىزدە ساقتاي الاتىنىڭىزدى ەلەستەتىڭىزشى. بۇل – گيپەرتيمەزيا دەپ اتالاتىن ەرەكشە قابىلەت.
الەمدە مۇنداي قابىلەتكە يە ادامدار ساۋساقپەن سانارلىق. سولاردىڭ ءبىرى – دجيل پرايس. ونىڭ 14 جاسىنان بەرى ءومىرىنىڭ ءار كۇنى ەسىندە. بىرەۋ بەلگىلى ءبىر كۇندى ايتسا, سول ساتتە اۋا رايىنان باستاپ, نە كيگەنىنە دەيىن ايتىپ بەرە الادى. ءبىر قىزىعى, بۇل قابىلەتىنىڭ ءبىر كۇنى ادام ءومىرىن قۇتقارادى دەپ ءوزى دە ويلاماعان. 2013 جىلى دجيل جول اپاتىنىڭ كۋاگەرى بولىپ, جەدەل جاردەم جەتكەنشە جاراقات العان ادامعا دەرەۋ العاشقى كومەك كورسەتىپ, ءومىرىن امان الىپ قالادى. ول العاشقى كومەك ەرەجەلەرىن جاس كەزىندە مەديتسينا كىتابىنان وقىعان ەكەن.