53 جاستاعى توۆانا لۋني – گەنەتيكاسى وزگەرتىلگەن شوشقانىڭ بۇيرەگىمەن ەكى ايدان استام ءومىر سۇرگەن العاشقى پاتسيەنت. 2024 جىلدىڭ قاراشاسىندا «NYU Langone Health» اۋرۋحاناسىندا وعان شوشقا بۇيرەگى ترانسپلانتاتسيالاندى.
بۇعان دەيىن وسىنداي وتا جاسالعان پاتسيەنتتەردىڭ ءومىر ءسۇرۋ ۇزاقتىعى ەكى ايدان اسپاعان. باس حيرۋرگ روبەرت مونتگومەري جاڭا بۇيرەكتىڭ قالىپتى جۇمىس ىستەپ تۇرعانىن, ال ءلۋنيدىڭ ءوزىن جاقسى سەزىنەتىنىن ايتقان. لۋني ءوز اناسىنا ءبىر بۇيرەگىن بەرگەن. الايدا, جۇكتىلىك كەزىندەگى اسقىنۋلار ونىڭ قالعان جالعىز بۇيرەگىن زاقىمداپ, سەگىز جىل بويى دياليزگە تاۋەلدى ەتكەن. جوعارى انتيدەنەلەر دەڭگەيىنە بايلانىستى وعان ادام دونورىنان بۇيرەك تابىلماعان. وتادان ءۇش اپتا وتكەندە دارىگەرلەر اعزانىڭ جاڭا بۇيرەكتى قابىلداماي جاتقانىن بايقايدى. الايدا بۇل ماسەلە ءساتتى شەشىلىپ, ءلۋنيدىڭ جاعدايى جاقسارا ءتۇستى. ساراپشىلاردىڭ پىكىرىنشە, بيىل اقش ادامعا شوشقا ورگاندارىن ترانسپلانتاتسيالاۋ بويىنشا العاشقى كلينيكالىق زەرتتەۋلەردى باستاۋى مۇمكىن.