پرەزيدەنت قاسىم-جومارت توقاەۆ ۇكىمەتتىڭ كەڭەيتىلگەن وتىرىسىندا ەلىمىزدىڭ ءتۇرلى باعىتتا اتقارىلىپ جاتقان جۇمىسىنا جان-جاقتى توقتالىپ ءوتتى. سونىڭ ىشىندە ەلەكتروندىق ساۋدا-ساتتىق ماسەلەسىن قوزعاپ, ونىڭ كولەمىنىڭ ارتۋى ءبىز ءۇشىن جاڭا مۇمكىندىكتەرگە جول اشادى دەدى. راسىندا, ەلىمىزدىڭ اتالعان سالاداعى الەۋەتىن تولىق پايدالانۋدىڭ ماڭىزدىلىعى وتە زور.
لوگيستيكا جۇيەسىنىڭ دامۋى – بيزنەستىڭ تابىستى بولۋىنىڭ نەگىزگى فاكتورلارىنىڭ ءبىرى. قازىرگى ۋاقىتتا كوپتەگەن كاسىپورىن مەن ساۋدا كومپانياسىنا تاۋارلاردى ءتيىمدى ءارى ۋاقىتىندا جەتكىزۋ – باستى مىندەت. وسى تۇستا «جاسىل دالىزدەردىڭ» ءتيىمدى جۇمىس اتقارۋى ماڭىزدى ءرول اتقارادى. ەگەر تاسىمالداۋ جۇيەسى جەڭىلدەتىلسە, شەكارالاس ەلدەرمەن ساۋداداعى مۇمكىندىكتەر ەسەلەنە تۇسەر ەدى. سول سەبەپتى, ينفراقۇرىلىمدى دامىتۋ – كاسىپكەرلەر ءۇشىن باستى قادام.
سونىمەن قاتار قازىرگى زامانعى تەحنولوگيالار لوگيستيكانى عانا ەمەس, جالپى بيزنەس-ۇدەرىستى وڭتايلاندىرۋعا دا ىقپال ەتەدى. اۆتوماتتاندىرۋ, تسيفرلاندىرۋ, جاساندى ينتەللەكت سياقتى قۇرالدار كومپانيالارعا ۋاقىت پەن رەسۋرستى ۇنەمدەۋگە, قىزمەت كورسەتۋ ساپاسىن ارتتىرۋعا, باسەكەگە قابىلەتتىلىكتى كۇشەيتۋگە مۇمكىندىك بەرەدى.
قورىتا ايتقاندا, بۇل باعىتتاعى مەملەكەتتىڭ قولداۋى ارتا تۇسسە, ەلىمىزدىڭ ەكونوميكالىق باعىتتاعى كاسىپكەرلىك ورتاسى جاقسارىپ, كاسىپكەرلەر ءۇشىن جاڭا مۇمكىندىكتەرگە جول اشىلادى دەگەن سەنىمدەمىن.
ولجاس قۇسپەكوۆ,
ءماجىلىس دەپۋتاتى