ۇكىمەتتىڭ كەڭەيتىلگەن وتىرىسىندا پرەزيدەنت قاسىم-جومارت توقاەۆ تسيفرلاندىرۋ ىسىنە, سونىڭ ىشىندە مەملەكەتتىك قىزمەت كورسەتۋ سالاسىندا وسى باعىتتاعى جەتىستىكتەرگە باعا بەردى. ءاربىر ازاماتتىڭ مالىمەتى ساپالى تۇردە جۇزەگە اسىپ قانا قويماي, قۇقىعىنىڭ قورعالۋىن قامتاماسىز ەتەتىن سەنىمدى جۇيەگە اينالۋى وتە ماڭىزدى.
الەم ەلدەرىندە جاپپاي تسيفرلاندىرۋ ءۇردىسى قارقىندى ءجۇرىپ جاتىر. شەتەلدەردە ءتىپتى بەينەباقىلاۋدىڭ كومەگىمەن ازاماتتاردىڭ بەت-الپەتىن وڭاي اجىراتا الادى. ەندى سول كومپيۋتەردىڭ كۇشىمەن جاساندى ينتەللەكت جوباسى جۇزەگە اسىپ جاتىر. دەمەك تەحنولوگيا, تسيفرلى جۇيە, روبوتتەحنيكا كۇن ساناپ جەتىلىپ جاتىر دەگەن ءسوز.
ونى جاساپ جاتقان – ءبىز سياقتى جاستار. بىراق ولار ءبىلىمدى, عىلىمي نەگىزدەمەگە سۇيەنە وتىرىپ ىستەيدى. سوندىقتان جاستار ىزدەنىپ, بىلىمدەرىن جەتىلدىرىپ, عىلىمعا كوبىرەك دەن قويۋ ارقىلى جاڭا تەحنولوگيانىڭ كوشىنە ىلەسە الادى. سەبەبى كەمەل ءبىلىم مەن عىلىمسىز كەز كەلگەن جەتىستىككە جەتۋ قيىن. اقپاراتتىق تەحنولوگيالار داۋىرىندە باسەكەگە قابىلەتتى بولۋ ءۇشىن ۇزدىكسىز دامۋ قاجەت. جاڭا يدەيالار ۇسىنىپ, عىلىمي جاڭالىقتار اشۋ ءبىزدىڭ باستى ماقساتىمىز بولۋعا ءتيىس. ويتكەنى دامىعان ەلدەر يننوۆاتسيا ارقىلى العا جىلجىپ كەلەدى. ەلىمىز دە وسى باعىتتا قارقىندى قادام باسۋى كەرەك. سول ءۇشىن جاستار جاڭا ءبىلىم الۋعا ۇمتىلىپ, شىعارماشىلىق ويلاۋ قابىلەتىن دامىتقانى ءجون. تەك وسىلاي عانا ءبىز الەمدىك تەحنولوگيالىق ورىستەن قالىس قالمايمىز.
باۋتان ەسەنكەلدى,
«وڭتۇستىك» تەلەارناسىنىڭ ءتىلشىسى