15 قاڭتار تاڭەرتەڭ وڭتۇستىك كورەيا پرەزيدەنتى يۋن سوك يول تۇتقىنعا الىندى. ول وڭتۇستىك كورەيا تاريحىندا پرەزيدەنت لاۋازىمىندا جۇمىس ىستەپ جاتقان, بىراق قىزمەتىنەن ۋاقىتشا شەتتەتىلگەن ۋاقىتتا تۇتقىندالعان العاشقى مەملەكەت باسشىسى بولىپ وتىر, دەپ جازادى Egemen.kz.
سوتتىڭ ونى تۇتقىنداۋ تۋرالى وردەرىن ورىنداۋعا 200-گە جۋىق پوليتسيا قىزمەتكەرى مەن 40 تەرگەۋشى قاتىسقان. ولار رەزيدەنتسيادا پرەزيدەنت كۇزەتشىلەرىنىڭ قارسىلىعىنا تاپ بولعان. 2,5 ساعاتتىق كەلىسپەۋشىلىكتەن كەيىن عانا پوليتسەيلەر يۋن سوك ءيولدى تۇتقىنداۋ وپەراتسياسىن ورىنداي الدى.
يۋن سوك يول 2024 جىلدىڭ 3 جەلتوقسانىندا ەلدە اسكەري جاعداي ەنگىزگەن ارەكەتىنە بايلانىستى سىنعا ۇشىراپ وتىر.
ال Yonhap اگەنتتىگى پرەزيدەنت يۋن سوك يول كوتەرىلىسكە جەتەكشىلىك ەتتى دەگەن ايىپپەن قاماۋعا الىنعانىن حابارلاعان.