قوستاناي. 1 مامىر. رەسەيدىڭ تۇمەن وبلىسىنىڭ يالۋگور قالاسىندا ايەلدەر اراسىندا شاعىن فۋتبولدان باتىس ءسىبىر كۋبوگى جولىنداعى جارىس ءوتتى. مۇنداي ۇلكەن تۋرنيرگە العاش قاتىسقان وبلىستىڭ «قوستاناي» كومانداسى تابىسپەن ورالدى. بۇل تۋرالى ng.kz حابارلادى.
«قوستاناي» كومانداسى ءوز توبىندا ءۇش كەزدەسۋ وتكىزدى. ونىڭ ەكەۋىن جەڭىپ, بىرەۋىنەن جەڭىلىپ, پلەي-وفف سەرياسىندا ەكىنشى ورىنعا شىقتى. فينالعا شىعۋ ءۇشىن «رۋبين» كومانداسىمەن تارتىستى ويىن كورسەتتى. ولاردى 2:1 ەسەبىمەن جەڭدى. فينالدا قوستانايلىق قىزدار الاڭ يەلەرى «اتلانتا» كومانداسىمەن كەزدەسىپ, 2:1 ەسەبىمەن ۇتتى.
كوماندا جاتتىقتىرۋشىسى ۆيكتور چەچەت: «كوماندا وتە جاقسى وينادى. مۇنىڭ الدىندا قورعان قالاسىنان ءۇشىنشى ورىنمەن ورالعان ەدىك», دەدى. «قوستاناي» -- وڭىردەگى بىردەن ءبىر ايەلدەر فۋتبول كومانداسى. ولار كۇزدە وتەتىن رەسەيدىڭ ءبىرىنشى ليگاسىنا شاقىرىلدى.
ءنازيرا جارىمبەتوۆا.
دەرەك, سۋرەت: ng.kz