ءبىز – قازاقستاندىقتارمىز!

قۇرمەتتى وتانداستار! قازاقستان حالقى اسسام­بلەياسى سىزدەردى ەلبا­سى نۇرسۇلتان ءابىش­ ۇلى نازارباەۆتىڭ بەي­بىت­شىلىك پەن كەلىسىم ءۇل­گى­سىنىڭ, بارشا قازاقستاندىق­تاردىڭ تۇتاستىعىنىڭ جارقىن كورىنىسىنە اينالعان 1 مامىر – قازاقستان حالقىنىڭ بىرلىگى كۇنى مەرەكەسىمەن قۇتتىقتايدى! بۇل مەرەكە ارقايسىمىز ءۇشىن ەرەكشە قىمبات. ول ءبىزدىڭ ميلليونداعان وتانداسىمىزدىڭ جۇرەگىنەن جول تاپقان حالقىمىزدىڭ تاماشا رۋحاني داستۇرىنە اينالدى. ءبىزدىڭ كوپەتنوستى قوعامىمىزدى بىرىكتىرەتىن, «ماڭگىلىك ەل» جالپىۇلتتىق يدەياسىنىڭ ارقاۋى – تۋعان جەرگە دەگەن پاتريوتيزم مەن سەنىم, دوستىق پەن ماحاببات سياقتى مىزعىماس قۇندىلىقتار. تۇڭعىش پرەزيدەنت – ەلباسى ن.ءا.نازارباەۆتىڭ سايلاۋداعى ايقىن جەڭىسى وسى مەرەيلى مەرەكەگە ۇلاسىپ وتىر, بۇل – اقيقات ءساتى جانە ەل دامۋىنىڭ جاڭا كەزەڭىنىڭ باستاۋى. قازاقستان حالقى تاريحي تاڭداۋ جاساپ, مەملە­كەتتى ەكونوميكالىق جانە الەۋمەتتىك دامۋدا جاڭا بەلەستەرگە باستايتىن ءوز كوشباسشى­­سىنا داۋىس بەردى. ءبىز جارقىن بولاشاق پەن اسقاق مۇمكىندىكتەر داۋىرىندە ءومىر سۇرۋدەمىز. مەملەكەت باسشىسىنىڭ باستاماسىمەن ۇسىنىلعان «بەس حالىقتىق رەفورما», ۇلت جوسپارى – بارشا ازاماتتارعا ارنالعان زاماناۋي مەملەكەتتىڭ بەرىك ىرگەتاسى بولاتىن, قازاقستان دامۋىنىڭ دۇنيەتانىمدىق نەگىزىنىڭ ستراتەگيالىق كەلەشەگىن قالىپتاستىراتىن ۇرپاقتان-ۇرپاققا بەرىلەتىن مەگا-جوبالار. قىمباتتى ازاماتتار! قازاقستان حالقى اسسامبلەياسى بار­شاڭىز­دى بىرلىك مەرەكەسىمەن قۇتتىقتاپ, امان­دىق, بەرەكە جانە جارقىن بولاشاق تىلەيدى! ءبىزدىڭ تاعدىرىمىز ورتاق. ول ورتاق وتا­نىمىز – قازاقستاننىڭ تاعدىرىمەن بايلانىستى. وسى ايتۋلى مەرەكەدە سىزدەردىڭ جۇرەكتەرىڭىزگە ەلىمىز ءۇشىن ىستىق سەزىم ۇيالاسىن! ورتاق وتانىمىز – قازاقستان ءوسىپ-وركەندەي بەرسىن! حالقىمىزدىڭ بىرلىگى جاراسىپ, ماڭگىلىك ەلدىڭ جۇلدىزى جانا بەرسىن!                                                          قازاقستان حالقى اسسامبلەياسى.