قازاق ءتىلىن ءبىلۋ – مىندەتىمىز

– دەيدى وزگە ۇلت وكىلدەرى اراسىندا وتكەن وليمپيادانىڭ جەڭىمپازى وبلىس ورتالىعىنداعى سۇلتانماحمۇت تورايعىروۆ اتىنداعى مەملەكەتتىك ۋنيۆەرسيتەتتە قازاقستان حالقى اسسامبلەياسىنىڭ 20 جىلدىعىنا ارنالىپ وقۋ ورنىندا وزگە ۇلت وكىلدەرى اراسىندا قازاق ءتىلى پانىنەن وليمپيادا ءوتتى. وليمپياداعا ءتۇرلى ماماندىقتا ءبىلىم الىپ جاتقان 15 ستۋدەنت قاتىستى. بۇل شارانى قازاق ءتىلى ءپانىن وقىتۋ كافەدراسى مەن وقۋ ورنىنىڭ ستۋدەنتتىك كاسىپوداق ۇيىمى بىرلەسىپ وتكىزدى. كافەدرا مەڭگەرۋشىسى, پروفەسسور ايمان زەينۋ­لي­نانىڭ ايتۋىنشا, وليم­پيا­دانىڭ ماقساتى – مەملە­كەتتىك ءتىل – قازاق ءتىلىنىڭ قو­عام ومىرىندەگى الاتىن ور­نى مەن ماڭىزىن, قاجەتتى­لىگىن كورسەتۋ. ياعني, بۇدان وزگە ۇلت وكىلدەرى ستۋدەنت جاس­تارىنىڭ قازاق ءتىلىن ۇيرە­نۋگە دەگەن قۇشتارلىعى, قىزى­عۋ­شىلىعى, وقىپ-ۇيرەن­گەن­دەرىنىڭ قانداي دەڭگەيگە جەتكەنى كورىنەدى. ستۋدەنت­تەردىڭ قازاق تىلىنە, جالپى, سالت-داستۇرگە, ونەرىمىزگە دەگەن جىلى كوزقاراستارى ارقىلى باسقا جاستارعا دا, ءوز ءتىلىن ۇيرەنگىسى كەلمەي جۇرگەن ۇل-قىزدارىمىزعا ناسيحاتتاۋ بولىپ تابىلادى. ءسويتىپ, وليمپيادا مازمۇنداما جازۋ, سۇحبات­تاسۋ جانە ونەرلەرىن كورسەتۋ سياقتى ءۇش كەزەڭمەن ءوتتى. سايىس بارىسىندا ەلىمىزدە بيىلعى جىلى اتاپ وتىلەتىن اسا ماڭىزدى شارالار – قا­زاق حاندىعىنىڭ 550 جىل­دىعى, اسسامبلەيانىڭ 20 جىل­دىعى, جەڭىستىڭ – 70 جىل­دىعى, «ەكسپو كورمە­سى­نىڭ تاريحى», «سالت-ءداس­تۇر, ادەت-عۇرىپ – ۇلت قۇندى­لىعى», «ونەر الدى – قى­زىل ءتىل» سياقتى مونولوگ-سۇح­بات تۇرىندە تاقىرىپتار ۇسى­نىلدى. قاتىسۋشىلار پرو­زالىق نەمەسە پوەزيالىق شى­عارمالاردان ءۇزىندى وقى­دى, ءان ايتىپ, بي بيلەدى جانە ءتىپتى, شاعىن درامالىق كو­رىنىستەر دە كورسەتتى. سوڭىندا شىعارىلعان وليم­پيادا قورىتىندىسىندا 15 ستۋدەنتتىڭ اراسىنان اجار سادوۆسكايا, ناتا­ليا كيرەەۆا, ناتاليا درە­موۆا الدىڭعى ورىنداردى يەلەندى. ال ءبىرىنشى ورىن­دى ميحايل كريكۋنوۆ جەڭىپ الدى. جەڭىمپاز ستۋدەنت­تەرگە ديپلومدار مەن اقشا­لاي سىيلىقتار, باسقا قاتى­سۋ­شىلارعا نوميناتسيالار بويىنشا العىس حاتتار تابىستالدى. ميحايل كريكۋنوۆ: «سايىس وتە تارتىستى ءوتتى. ءاري­نە, ارقايسىمىز قازاق ءتىلىن جاقسى مەڭگەرگەنىمىزدى كور­سەتۋگە تىرىستىق. مەنىڭ ويىم­شا, قازاقستاندا تۇرىپ جاتقان سوڭ, قازاق ءتىلىن ءبىلۋ – ءبىزدىڭ مىندەتىمىز. بار­شا قازاقستاندىقتاردى مەم­لەكەتتىك ءتىلدى جەتىك مەڭگە­رۋگە شاقىرامىن», – دەدى. فاريدا بىقاي, «ەگەمەن قازاقستان». پاۆلودار. سۋرەتتە: م.كريكۋنوۆ. سۋرەتتى تۇسىرگەن رۋفينا تورپيششەۆا.