ەلباسى نۇرسۇلتان نازارباەۆ سەردجيو ماتتارەللاعا يتاليا رەسپۋبليكاسىنىڭ پرەزيدەنتى بولىپ سايلانۋىنا بايلانىستى قۇتتىقتاۋ جەدەلحاتىن جولدادى, دەپ حابارلادى قازاقستان پرەزيدەنتىنىڭ ءباسپاسوز قىزمەتى.
جەدەلحاتتا قازاقستان مەن يتاليا اراسىنداعى دوستىق, ءوزارا سەنىم جانە ستراتەگيالىق سەرىكتەستىككە نەگىزدەلگەن ەكىجاقتى قارىم-قاتىناستار حالىقتارىمىزدىڭ يگىلىگى ءۇشىن نىعايا بەرەتىندىگى ايتىلعان.
«الداعى ۋاقىتتا سىزبەن بىرگە ەلدەرىمىزدىڭ زور ىنتىماقتاستىق الەۋەتىن بارىنشا دامىتۋعا كۇش جۇمسايتىنىما قۋانىشتىمىن», – دەلىنگەن جەدەلحاتتا.
سوڭىندا قازاقستان پرەزيدەنتى ن.نازارباەۆ س.ماتتارەللاعا زور دەنساۋلىق, جاڭا قىزمەتىنە تابىس, ال دوستاس يتاليا حالقىنا باق-بەرەكە تىلەدى.