اتىراۋ. 2 اقپان. اتىراۋ وبلىستىق سوتىنىڭ قىلمىستىق ىستەر جونىندەگى اپەللياتسيالىق سوت القاسى اتىراۋ وبلىسى اكىمدىگىنىڭ بۇرىنعى لاۋازىمدى تۇلعالارى مەن جەكە كاسىپكەرلەرگە قاتىستى شىعارىلعان سوت ۇكىمىمەن كەلىسپەي, بەرىلگەن بارلىق اپەللياتسيالىق شاعىمدار مەن نارازىلىقتاردى قاراۋدى باستادى. بۇل تۋرالى وبلىستىق سوتتىڭ ءباسپاسوز قىزمەتى حابارلادى.
سوت ءماجىلىسى سوتتالعاندار مەن ولاردىڭ قورعاۋشىلارى جانە جابىرلەنۋشىلەردىڭ قاتىسۋىمەن وتكىزىلۋدە. ولاردان باسقا, بۇقارالىق اقپارات قۇرالدارىنىڭ جانە قوعامدىق ۇيىم وكىلدەرى سىيىمدىلىعى 50 ادامدىق ارنايى بولمەگە ورنالاستىرىلدى. «ولارعا ءوز جۇمىستارىن جەدەل جانە ىڭعايلى اتقارۋ ءۇشىن ۇلكەن ەكراندى مونيتورلار, پرينتەر جانە سىمسىز ينتەرنەت جۇيەلەرى ۇسىنىلدى», دەپ حابارلادى اتىراۋ وبلىستىق سوتىنىڭ ءباسپاسوز حاتشىسى بورانباي عاليەۆ.
جولداسبەك شوپەعۇل.
دەرەك, سۋرەت: اتىراۋ وبلىستىق سوتى.