استانا. 1 اقپان. كەشە يتاليادا 73 جاستاعى سەردجيو ماتتارەللا پرەزيدەنت بولىپ سايلاندى. بۇل تۋرالى Lenta.ru حابارلادى.
مەملەكەت باسشىسى يتاليان پارلامەنتىنىڭ ەلدەگى بارلىق وبلىستار وكىلدەرىنىڭ قاتىسۋىمەن وتكەن وتىرىسى كەزىندە داۋىس بەرۋى جولىمەن سايلاندى. ول بۇعان ءتورتىنشى تۋردا بارىنەن كوپ داۋىس الۋ ارقىلى قول جەتكىزدى.
بۇرىن ەلدىڭ كونستيتۋتسيالىق سوتىندا سۋديا بولىپ قىزمەت اتقارعان سەردجيو ماتتارەللا دەموكراتيالىق پارتيانىڭ اتىنان كانديدات بولىپ تىركەلگەن ەدى.
ۇستىمىزدەگى جىلعى 14 قاڭتار كۇنى ەلدىڭ 89 جاستاعى پرەزيدەنتى دجوردجو ناپوليتانو دەنساۋلىق جاعدايىنا بايلانىستى وتستاۆكاعا شىققان بولاتىن.
يتاليانىڭ كونستيتۋتسياسى بويىنشا مەملەكەتتىڭ جوعارى لاۋازىمدى تۇلعاسى پارلامەنت ارقىلى سايلانادى. ول بارلىق وبلىستار وكىلدەرىنىڭ قاتىسۋىمەن جابىق داۋىس بەرۋ جولىمەن وتكىزىلەدى. جەڭىمپاز بارلىق جينالعانداردىڭ ۇشتەن ەكى بولىگىنەن كوبىرەك داۋىس العانشا داۋىس بەرۋ جۇرە بەرەدى.
مۇرات ايتقوجا.
دەرەك, فوتو: Lenta.ru.