پەتروپاۆل. 30 ءساۋىر. وبلىس ورتالىعىنداعى كوپقاباتتى ۇيلەردىڭ بىرىندە پاتەر يەلەرى كووپەراتيۆىنىڭ ءتورايىمى گازگول قوندىرعىسىنىڭ ءدال تۇبىنەن اۆتوتۇراق سالۋ ماقساتىمەن اۋلاداعى اعاشتاردى تامىرىمەن جۇلدىرىپ, بالالار وينايتىن الاڭقايدى شەتكە ىسىرىپ تاستاعان. بۇل تۋرالى egemen ءتىلشىسى حابارلادى.
زاڭسىزدىققا قارسى ورە تۇرەگەلگەن تۇرعىندار ءتورايىمدى جاعادان الىپ, ج ۇلىپ جەپ قويا جازدادى. ءتارتىپ ساقشىلارى ارا تۇسپەگەندە ءىستىڭ اياعى ناسىرعا شابۋى ابدەن مۇمكىن ەدى. قالالىق اكىمدىك قىزمەتكەرلەرى قوس تاراپتى مامىلەگە كەلتىرۋگە تىرىسقانىمەن, ودان ەشتەڭە ونبەدى.
«وسى اۋماقتا اعاشتار جايقالا ءوسىپ, كوشەنىڭ ءسانىن كەلتىرىپ تۇراتىن. قازىر ءبىرى دە جوق. پيك ءتورايىمى اۆتوتۇراق سالامىن دەگەن جەلەۋمەن ءتۇپ تامىرىمەن قۇرتقان. اۋلادا ونسىز دا ەكى كولىك تۇراعى بار. ەرتەڭ گاز جارىلسا, كىم جاۋاپ بەرەدى؟»–دەپ اشۋعا بۋلىعىپ, جۇزدەرى قابارعان تۇرعىندار ولىسپەي بەرىسپەۋگە بەكىنگەن سىڭايلى. اكىمدىكتەگىلەر بولسا داۋعا ارالاسۋدان باستارىن الا قاشتى. ويتكەنى, ولاردىڭ ايتۋلارىنا قاراعاندا, اۋلاداعى جەر تولىعىمەن تۇرعىنداردىڭ ورتاق مەنشىگىندە كورىنەدى. قالالىق جەر قاتىناستارى ءبولىمىنىڭ سەكتور مەڭگەرۋشىسى سەرىك نۇرماعامبەتوۆ «بۇل جەر تەلىمى اكىمنىڭ شەشىمىنەن 7 جىل بۇرىن پاتەر يەلەرى كووپەراتيۆىنىڭ مەنشىگىنە بەرىلگەن. سوندىقتان قانداي نىسان تۇرعىزۋ كەرەك ەكەنىن تۇرعىندار عانا شەشۋگە قۇقىلى. ول ءۇشىن كەمى جارتىسىنان استامىنىڭ كەلىسىمى كەرەك»,– دەگەن تۇسىنىكتەمە بەردى.
سويتسە, تۇرعىندار پيك جينالىسىنا قاتىسپاق تۇگىل ماسەلەدەن مۇلدەم بەيحابار بولىپ شىققان. بۇل جەردە اۆتوتۇراق تۇرعىزىلاتىنىن اعاشتار كەسىلە باستاعاندا عانا بىلگەن.
قۇقىق قورعاۋ ورگاندارى زاڭ نورمالارىن اياققا باسقان پيك ءتورايىمى قىلمىستىق جاۋاپكەرشىلىككە تارتىلۋى مۇمكىن ەكەنىن جاسىرمايدى.
ءومىر ەسقالي.
دەرەك: كتك تەلەارناسى.
سۋرەت: egemen.kz