قىلمىستىڭ الدىن الۋ – مىندەت

قىلمىستىق-اتقارۋ جۇيەسىنىڭ الماتى وبلىسى بويىنشا دەپار­تامەنتى باستىعىنىڭ ورىنباسارى, ادىلەت پولكوۆنيگى ەرنات اقىل­جانوۆتىڭ ۇيىمداستىرۋىمەن «نۇر وتان» پارتياسى الماتى وبلىستىق فيليالىنىڭ ءماجىلىس زالىندا كەڭەس ءوتتى. وعان اتالعان جۇيە جانە لا-155/16 مەكەمەسى مەن مەملەكەتتىك قىزمەت ىستەرى جانە سىبايلاس جەم­قورلىققا قارسى ءىس-قيمىل دەپار­تامەنتىنىڭ قىزمەتكەرلەرى قاتىستى. «ەلباسىنىڭ ەل ەكونوميكاسىن دامىتۋداعى ساياساتىن جۇزەگە اسىرۋدا وڭىرلەردىڭ وركەندەۋىنە, الەۋمەتتىك دامۋىنا كەدەرگى بولىپ وتىرعان وزەكتى ماسەلە – سى­بايلاس جەمقورلىق. قۇقىق بۇزۋشىلىقتىڭ الدىن الۋ, جويۋ, جول بەرمەۋ باعىتىندا ءبىزدىڭ تاراپىمىزدان بىرقاتار شارالار اتقارىلۋدا. الايدا, قىلمىستىق-اتقارۋ ينس­پەكتسيا قىزمەتكەرلەرى اراسىندا ارامزا, تەرىس ويلى, وزگەنىڭ مەنشىگىنە قول سالاتىن ادامدار انىقتالدى. زاڭدى بەلدەن باسۋ  قۇقىقتىق جۇيەگە سالعان تاڭبا بولىپ تابىلادى» دەدى ەرنات اقىلجانوۆ. كەلەسى كەزەكتە, «نۇر وتان» پارتياسى الماتى وبلىستىق فيليا­لىنىڭ وكىلدەرى سىبايلاس جەم­قورلىققا جول بەرمەۋ جايىندا ايتتى. كەزدەسۋ سوڭىندا «سىبايلاس جەمقورلىققا قارسى كۇرەس تۋرالى» زاڭنىڭ اياسىندا قالمىستىق-اتقارۋ جۇيەسىندە ءتارتىپ ساقتاۋ جانە زاڭ بۇزۋشىلىقتاردىڭ الدىن الۋ, ەسكەرتۋ, جولدارىن كەسۋ ءىس-شارالارىن كۇشەيتۋ جۇمىستارىن جالعاستىرۋ جونىندە شەشىم قا­بىلداندى. نۇربول الدىباەۆ, «ەگەمەن قازاقستان». تالدىقورعان.