وتكەن اپتادا اتىراۋدا 22 وقۋشى مەن مەكتەپتىڭ ءبىر قىزمەتكەرىنىڭ ۋلانعانىن حابارلاعان ەدىك. ەندى ارادا ءبىر اپتا وتپەي, تاعى دا بەس ادامنىڭ ۋلانۋ دەرەگى تىركەلدى. «قازپوشتا» اكتسيونەرلىك قوعامى اتىراۋ فيليالىندا جۇمىس جاسايتىن ايەلدىڭ ۋلانعانى انىقتالىپ وتىر. سارسەنبى كۇنى ءتۇس اۋا پوشتا قىزمەتكەرلەرى «جەدەل جاردەم» قىزمەتىنىڭ كولىگىمەن وبلىستىق اۋرۋحاناعا جەتكىزىلگەن. ازىرگە بەلگىسىز زاتتان ۋلانعان پوشتاشىلار العاشقى مەديتسينالىق كومەك كورسەتىلگەننەن كەيىن ۇيلەرىنە جىبەرىلگەن.
وقيعا ورنىندا توتەنشە جاعدايلار جانە جەدەل ارەكەت ەتۋ, قۇقىق قورعاۋ ورگاندارى تەكسەرۋ جۇمىستارىن جۇرگىزدى. ءتۇرلى زەرتتەۋلەر ءۇشىن اۋادان سىنامالار الىندى. بىراق ازىرگە پوشتاشىلاردىڭ ۋلانۋىنا نە سەبەپ بولعانى بەلگىسىز.
جولداسبەك شوپەعۇل,
«ەگەمەن قازاقستان».
اتىراۋ وبلىسى.
سۋرەتتى تۇسىرگەن
راحىم قويلىباەۆ.