بەلگيالىق بەدەلدى توپ

«قاماجايدى» ەۋروپالىق مانەردە ورىندادى  حالىق ءانى «قاماجايدى» بىلمەيتىن قازاق جوق. اسىرەسە, ونىڭ ماقامىمەن ورىندالاتىن ءبيدىڭ ورنى بولەك. ال ەندى وسى قايتالانباس تۋىندىعا شەتەلدىكتەر قىزىعىپ, ناشىنە كەلتىرە ورىنداپ جاتسا, ارينە, قۋاناسىڭ. بۇل ءبىر جاعىنان ءتول ونەرىمىزدىڭ وزگەنى مويىنداتقان قۇدىرەتىن بىلدىرسە كەرەك.  كۇنى كەشە بەلگيالىق Julien Jaffres دەپ اتالاتىن توپ «قاما­جايدى» ءوز رەپەرتۋارىنا ەنگىزىپ, ونى ەۋروپالىق مانەرمەن ويناپ شىققانى تۋرالى حابار اقپارات كەڭىستىگىندە جەلدەي ەستى. مۇنى ەستىگەن بويدا ءبىز دە ەۋروپا مەن امەريكاعا تانىمال الگى ۇجىمنىڭ حالىق ءانىن قالاي ورىنداعانىن ەستۋگە اسىعىپ, ينتەرنەت جەلىسىنە جۇگىندىك. راسىندا, ولار اسەم تۋىندىنى ەۋروپالىق ناقىشقا كەل­تىرە وتىرىپ, ەكى گيتارا, سكريپ­كا, ۆولىنكا (ۇرلەمەلى اسپاپ), بارا­بان اسپاپتارى كومەگىمەن ءتاپ-ءتاۋىر ورىن­داپتى. ارينە, كاسىبي مۋزى­كانت ەمەسپىز, سوندا دا بول­سا ايتايىق, Julien Jaffres توبى­نىڭ كەلتىرگەن ماقامى جۇرەككە جىلى ءتيىپ, قۇلاققا جاعىمدى ەستىل­دى. بالكىم, بۇل قازاقى ورتاعا بەلگىسىزدەۋ شەتەلدىك ونەرپاز­داردىڭ «قاماجايدى» لايىقتى باعالاعانىنا رازى بولعاندىقتان تۋىنداعان سەزىمنىڭ اسەرى شىعار. Julien Jaffres توبىنىڭ ءمۇ­شە­لەرى قازاقستاندىق تەلەار­نا­لاردىڭ بىرىنە بەرگەن سۇحباتىندا اتالعان حالىق ءانىن نەلىكتەن تاڭداعاندارىن ءتۇسىندىرىپ بەرىپتى. ۇجىمنىڭ باس گيتاراشىسى سەدريك ۆاتەرسۋكتتىڭ ايتۋى بويىنشا, «قاماجاي» ءانى قازاق حال­قىنىڭ تاريحىندا, مادەني ومىرىندە ەرەكشە ورىن الادى. سوندىقتان ولار اتاقتى تۋىندىنى ءوز رەپەرتۋارلارىنا قوسقان. بەلگيالىقتار ءاندى ورىنداماس بۇرىن ينتەرنەت ارقى­لى كوپ ىزدەنىپتى. ولار بۇل كوم­پو­زيتسيانىڭ قالاي شىرقا­لا­تىنىنا باسا نازار اۋدارعان. ال مۇنىڭ ناتيجەسىنە ءوزىمىز كۋا بولىپ وتىرمىز. ەندى بۇل توپ ونى قازاق انشىسىمەن بىرگە ورىنداعىلارى كەلەتىنىن جەتكىزىپتى. جالپى, الەمنىڭ قازاق ونە­رى­نە دەگەن ىقىلاسى كۇن وتكەن ساي­ىن­ ارتىپ كەلەدى. ونىڭ جار­قىن مى­­­سالدارى وتە كوپ. ال ۇلت­تىق ­شى­­عار­مالارىمىزدى شەتەلدىك­تەر­­­دىڭ ورىنداۋى سيرەك كەزدەسە­تىن جاع­­داي. سوندىقتان دا, دارحان­ دالامىز­­دىڭ وزەگىنەن جارىپ شىق­قان اندەرى­­مىز بەن كۇيلە­رى­مىز­دى, بي­لەرىمىزدى ءدىلى, بولمىسى, ءتىلى ءبو­تەن ۇلت وكىل­دەرى ورىن­­داپ جاتسا, ماق­­تا­­نىپ, مارقا­يىپ, مەرەيلەنىپ قالاتىنىمىز راس. ايتا كەتەيىك, وسىدان ءتورت جىل بۇرىن بەلگيا ءانشىسى ۆيم رولاند ابايدىڭ «كوزىمنىڭ قاراسى» ءانىن شىرقاعان بولاتىن. ال جاقىندا قازاق كوم­پوزيتورى اباي بەگەيدىڭ «اس­پان­عا قارايمىن» ءانىن كۋبا­نىڭ بەدەلدى توبى ءوز ورانجيروۆكالارىمەن ورىنداپ, انسۇيەر قاۋىمدى تاعى ءبىر مارتە ءدۇ­رىلدەتىپ تاستاپ ەدى. ەندى ونىڭ قاتارىنا, مىنە, «قاماجاي» دا قوسىلىپ وتىر. جولدىباي بازار, «ەگەمەن قازاقستان». بەلگيالىقتار ورىنداعان «قاماجاي» ءانىن گازەت سايتىنداعى ماقالانىڭ بەينەتىركەمەسىنەن تىڭداي الاسىزدار http://youtu.be/k9tl9Bgrkc8