استانا. 15 ماۋسىم. بۇگىن باس پروكۋرور اسحات داۋىلباەۆ ەۋروپاداعى قاۋىپسىزدىك جانە ىنتىماقتاستىق ۇيىمىنىڭ از ۇلتتار ىستەرى جونىندەگى جوعارعى كوميسسارى استريد تۋرس حانىممەن كەزدەستى. بۇل تۋرالى باس پروكۋراتۋرانىڭ ءباسپاسوز قىزمەتى حابارلادى.
اسحات داۋىلباەۆ جوعارعى كوميسساردى ۇلتارالىق كەلىسىمدى قامتاماسىز ەتۋ جانە از ۇلتتاردىڭ قۇقىقتارىن بۇزۋعا جول بەرمەۋ شارالارى جونىندە حاباردار ەتتى.
كەزدەسۋ بارىسىندا ادام قۇقىقتارىن ساقتاۋدىڭ وزەكتى ماسەلەلەرى تالقىلاندى. ءتىل تۋرالى زاڭنىڭ قولدانىلۋى, سونداي-اق, ۇلتتىق جانە تىلدىك بەلگىلەر بويىنشا كەمسىتۋشىلىك ماسەلەلەرى دە اڭگىمەگە ارقاۋ بولدى.
استريد تۋرس حانىم كەزدەسۋ اياسىنداعى مازمۇندى پىكىر الماسۋعا جانە ادام قۇقىقتارىن قورعاۋ سالاسىنداعى قول جەتكىزگەن ىنتىماقتاستىق پەن ءوزارا بەلسەندى ىقپالداستىققا ريزاشىلىعىن ءبىلدىردى.
ءوز كەزەگىندە داۋىلباەۆ قازاقستاننىڭ باس پروكۋراتۋراسى وسى باعىتتاعى ديالوگقا جانە بىرلەسكەن جۇمىستاردى جالعاستىرۋعا دايىن ەكەندىگىن ايتتى.
ەلامان قوڭىر.
دەرەك, سۋرەت: باس پروكۋراتۋرانىڭ ءباسپاسوز قىزمەتى.