بيىل جازعى دەمالىس ۋاقىتىندا ەلىمىزدىڭ بىرقاتار وڭىرىندە بولىپ, جەرگىلىكتى جۇرتپەن جۇزدەسكەن ەدىم. سوندا پرەزيدەنت قاسىم-جومارت توقاەۆتىڭ «ادىلەتتى قازاقستان: زاڭ مەن ءتارتىپ, ەكونوميكالىق ءوسىم, قوعامدىق وپتيميزم» اتتى جولداۋىندا ايتىلعان ماسەلەنىڭ ءبارى تۇرعىندار تاراپىنان دا كوتەرىلدى. سول سەبەپتى مەملەكەت باسشىسىنىڭ جولداۋىن «حالىق ۇنىنە قۇلاق اساتىن مەملەكەت» تۇجىرىمىنىڭ كورىنىسى بولدى دەۋگە تولىق نەگىز بار.
اتاپ ايتار بولسام, اۋىلدى قولداۋ, شارۋالاردىڭ جۇمىسىنا دەم بەرۋ, ەلدى مەكەندەردە ساپالى مەديتسينالىق مەكەمەلەر اشىپ, بىلىكتى كادرلارمەن قامتاماسىز ەتۋ, ەڭ كوكەيتەستى ماسەلە جول سالۋ سەكىلدى تۇيتكىلدەردىڭ ءبارى وسى جولداۋدا قامتىلدى. دەمەك, پرەزيدەنت قاسىم-جومارت كەمەل ۇلى ەلىمىزدىڭ بارلىق وڭىرىندەگى حالىقتىڭ جاعدايىنان جاقسى حاباردار ءارى سول ماسەلەنىڭ ءبارىن شەشۋ ءۇشىن كۇش سالىپ كەلەدى.
بۇل قۇجاتتىڭ ىشىندەگى مەنى قىزىقتىرعان, ءتىپتى بۇگىندە ەلىمىزدىڭ ءاربىر تۇرعىنىن الاڭداتىپ وتىرعان ماسەلە – اتوم ەلەكتر ستانساسىنىڭ قۇرىلىسى. پرەزيدەنت بۇعان دەيىن ءوزى باستاماشى بولىپ, ۋادە ەتكەنىندەي 6 قازاندا رەسپۋبليكالىق رەفەرەندۋم وتەدى دەپ بەلگىلەدى.
الداعى ۋاقىتتا ەنەرگيا تاپشىلىعىن قالاي شەشەمىز, قانداي قۋات كوزدەرىن پايدالانامىز, اتوم ەلەكتر ستانساسىن سالامىز با, جوق پا, ەگەر ونىڭ قۇرىلىسىن قولدايتىن بولساق, ونى كىم سالادى, قانداي تەحنولوگيا پايدالانىلادى دەگەن سۇراقتار ەلىمىز ءۇشىن وتە وزەكتى بولىپ وتىر. بۇل تاقىرىپتى پرەزيدەنتتىڭ كوتەرۋى بەكەر ەمەس. ەل ءۇشىن, بولاشاق ءۇشىن ماڭىزدى بولعاندىقتان, قايتا-قايتا ايتىپ كەلەدى. وسى ورايدا رەفەرەندۋمدا حالقىمىز دۇرىس تاڭداۋ جاساپ, ءوز داۋىستارىن بەرەدى دەپ ۇمىتتەنەمىن.
بيىلعى جولداۋ مەملەكەتتىك ورگاندارعا, سونداي-اق دەپۋتاتتار كورپۋسىنا الداعى ۋاقىتتا قولعا الىنىپ, اتقارىلۋعا ءتيىس كوپ مىندەتتى جۇكتەدى. جاڭا زاڭداردى قابىلداۋ تاپسىرماسى دا ايتىلعانىن ەستىدىڭىزدەر. وسى باستالىپ جاتقان سەسسيادا ءبىز جولداۋدا ايتىلعان باعىتتار بويىنشا جۇمىس ىستەپ, العا قويىلعان مىندەتتەردى ورىنداۋعا كۇش سالامىز.
ماكسيم روجين,
پارلامەنت ءماجىلىسىنىڭ دەپۋتاتى