اتىراۋدا دارىندى بالالارعا ارنالعان سپورت مەكتەبى سالىنىپ جاتىر

تۋريزم جانە سپورت مينيسترلىگىنىڭ مالىمەتىنشە, نىساندى 2027 جىلدىڭ مامىر ايىندا پايدالانۋعا بەرۋ جوسپارلانعان.

ءمجا مەحانيزمىنە سايكەس, جەكە ارىپتەس جوبالاۋدان باستاپ قۇرىلىسقا دەيىنگى جۇمىستاردى جانە نىساندى پايدالانۋعا بەرىلگەننەن كەيىنگى 5 جىل بويى ونى كۇتىپ-ۇستاۋ قىزمەتتەرىن جۇزەگە اسىرادى. جوبا اياسىندا زاماناۋي وقۋ عيماراتتارى مەن جايلى جاتاقحانا قاراستىرىلعان. 3,2 گەكتار اۋماقتا 400 ورىندىق وقۋ بلوگى, 300 ورىندىق جاتاقحانا, 13 سپورت زالى, باسسەين, اسحانا, كىتاپحانا, ستاديون, جۇگىرۋ جولاقتارى, سونداي-اق باسكەتبول جانە ۆولەيبول الاڭدارى بوي كوتەرەدى.

استانانىڭ ۆەلوسپورت مەكتەبى «ۇزدىك ءوڭىر» اتاعىن جەڭىپ الدى

قازىر ەلىمىزدە 16 وبلىستىق مامانداندىرىلعان مەكتەپ-ينتەرنات جانە 4 رەسپۋبليكالىق مەكتەپ-كوللەدج-ينتەرنات جۇمىس ىستەيدى. اتالعان مەكەمەلەردە 6 431 سپورتشى ءبىلىم الادى. الايدا استانا جانە شىمكەنت قالالارىندا, سونداي-اق اباي, ۇلىتاۋ جانە قوستاناي وبلىستارىندا مۇنداي مەكەمەلەر جوق. سوندىقتان اتىراۋ وبلىسىنداعى بۇل جوبا پيلوتتىق رەجيمدە ىسكە اسىرىلىپ, كەيىننەن وزگە وڭىرلەرگە دە جۇزەگە اسىرۋ جوسپارلانىپ وتىر.

اتىراۋداعى جاڭا كەشەندە 13 وليمپيادالىق سپورت ءتۇرى بويىنشا 400 سپورتشىنى (300 وقۋشى جانە 100 كوللەدج ستۋدەنتى) دايارلاۋ كوزدەلگەن.

اقتوبە سوتى ەكى سپورت مەكتەبىنىڭ ديرەكتورىنا ۇكىم شىعاردى

مەكتەپ-ينتەرنات-كوللەدجىنىڭ قۇرىلىسى سپورت رەزەرۆىن دايارلاۋعا قولايلى جاعداي جاساپ, وقۋ مەن جاتتىعۋدى ءتيىمدى ۇشتاستىرۋعا مۇمكىندىك بەرەدى. سونىمەن قاتار ەلىمىزدە بالالار مەن جاسوسپىرىمدەر سپورتىن دامىتۋعا ايتارلىقتاي سەرپىن بەرەدى.