كولىك مينيسترلىگى وتكىزۋ بەكەتتەرىندەگى كۇتۋ ايماقتارىنىڭ ينفراقۇرىلىم پارامەترلەرىن, جول قوزعالىسىن ۇيىمداستىرۋ ءتارتىبىن جانە تەحنيكالىق جابدىقتالۋ دەڭگەيىن ەگجەي-تەگجەيلى رەتتەيتىن قۇجاتتى قاراپ جاتىر, دەپ جازادى Egemen.kz.
كۇتۋگە ارنالعان سەرۆيستىك ايماقتاردى جوبالاۋ كەزىندە ولاردىڭ گەوگرافيالىق ورنالاسۋى, بەكەتتەردىڭ وتكىزۋ قابىلەتى, بولجامدى كولىك اعىندارى, سونداي-اق جەر بەدەرى مەن كليماتتىق جاعدايلار ەسكەرىلەدى. جول-كولىك سىزباسى كولىك قۇرالدارىنىڭ بارىنشا جوعارى وتكىزۋ قابىلەتىن قامتاماسىز ەتىپ, قاۋىپسىز مانەۆر جاساۋعا مۇمكىندىك بەرۋى ءتيىس. بۇل رەتتە قوزعالىس كىرۋ, سايكەستەندىرۋ, كۇتۋ, قىزمەت كورسەتۋ جانە شىعۋ كەزەڭدەرىنە بولىنەدى.
رەسەيمەن شەكاراداعى پاۆلودارلىق وتكىزۋ بەكەتتەرىن جاڭعىرتۋ باستالدى
سەرۆيستىك كۇتۋ ايماقتارى تۇراق, كوممەرتسيالىق جانە اكىمشىلىك ايماقتار سىندى ءۇش فۋنكتسيونالدىق بلوكتان تۇرادى. تۇراق ايماعىندا جۇك جانە جەڭىل كولىكتەر بولەك ورنالاستىرىلادى, ال ەلەكتروندىق كەزەك تەرمينالدار مەن ءموبيلدى قوسىمشالارداعى تىركەلۋ جۇيەسى ارقىلى جۇزەگە اسىرىلادى. تۇراق ايماعى كەمىندە 200 جۇك كولىگىنە ەسەپتەلۋى ءتيىس.
كوممەرتسيالىق ايماقتا جۇرگىزۋشىلەر مەن تاسىمالداۋشىلارعا ارنالعان سەرۆيستىك نىساندار ورنالاستىرىلادى. اكىمشىلىك ايماق وپەراتورلاردى قاجەت بولعان جاعدايدا, مەملەكەتتىك ورگانداردىڭ بولىمشەلەرىن ورنالاستىرۋعا ارنالعان.
وتكىزۋ بەكەتتەرى تولىق جاڭعىرتىلادى
«سەرۆيستىك ايماقتارعا كىرۋ جانە شىعۋدى باقىلايتىن اۆتوماتتاندىرىلعان جۇيەلەر, مەملەكەتتىك نومىرلىك بەلگىلەردى تانۋ فۋنكتسياسى بار كولىك قۇرالدارىن ەسەپكە الۋ تەتىگى مەملەكەتتىك ورگانداردىڭ اقپاراتتىق جۇيەلەرىمەن ينتەگراتسيالانۋى ءتيىس. سونىمەن قاتار قاۋىپسىزدىك جۇيەلەرى, تۇراقتى ءموبيلدى بايلانىس جانە ينتەرنەتكە قولجەتىمدىلىك قامتاماسىز ەتىلۋى قاجەت», دەلىنگەن كولىك مينيسترلىگى تاراتقان حابارلامدا.