وقۋ-اعارتۋ ءمينيسترى جۇلدىز سۇلەيمەنوۆا پەداگوگتەردىڭ ءبىلىمىن باعالاۋ جۇيەسىنە قاتىستى قابىلدانعان جاڭا شەشىمدەر بويىنشا تۇسىنىكتەمە بەردى. ءمينيستردىڭ ايتۋىنشا, مۇعالىمدەردىڭ قۇقىقتارى تولىق ساقتالىپ, قازىرگى اتتەستاتسيا ۇدەرىسى بويىنشا باستالعان راسىمدەر اياقسىز قالمايدى. بۇل وزگەرىستەر 2026 جىلعى قاڭتاردا ەنگىزىلگەن جاڭا ەرەجەلەرمەن بايلانىستى, دەپ جازادى Egemen.kz.
ءمينيستردىڭ مالىمەتىنشە, بيىل اتتەستاتسياعا قاتىسقان پەداگوگتەردىڭ بارلىعى ءوز راسىمدەرىن تولىق اياقتايدى. ياعني, «پبب» تەستىن تاپسىرىپ, پورتفوليوسىن جۇكتەگەن مۇعالىمدەردىڭ اتتەستاتسياسى تولىق اياقتالادى.
ال تەست تاپسىرىپ ۇلگەرگەنىمەن, پورتفوليوسىن جۇكتەمەگەن پەداگوگتەرگە قوسىمشا مۇمكىندىك بەرىلەدى. ولارعا قۇجاتتارىن تولىق جۇكتەپ, اتتەستاتسيانى اياقتاۋ ءۇشىن ارنايى مەرزىم بەرىلەتىنى حابارلانادى.
ءبىلىم سالاسىنداعى وزگەرىس: مۇعالىمدەر ءۇشىن اۆتورلىق باعدارلاما جازۋ تالابى جويىلادى
سونىمەن قاتار, بيىل «پبب» تەستىنەن ءوتىپ, شەكتى بالل جيناي الماعان مۇعالىمدەرگە قاتىستى دا ناقتى شەشىم قابىلداندى. ولار ءۇشىن قايتا تىركەۋدەن ءوتۋ تالاپ ەتىلمەيدى, ال ءساۋىر ايىندا جوسپارلانعان تەست تاپسىرۋ مۇمكىندىگى جويىلعان. بۇل ساناتتاعى پەداگوگتەرگە تولەنگەن قاراجات تولىق قايتارىلادى.
پەداگوگتەرگە ارنالعان بايقاۋ جاريالاندى: ءوتىنىم قابىلداۋ قاشان باستالادى؟
ءمينيستردىڭ ايتۋىنشا, اتالعان مۇعالىمدەر وزدەرىنىڭ قازىرگى بىلىكتىلىك ساناتىن ساقتاپ قالادى.
«سىزدەر جاڭا اتتەستاتسيا كەزەڭىنە, ياعني 2027 جىلعى قاڭتارعا دەيىن ءوز كاتەگوريالارىڭىزدى ساقتايسىزدار. قاڭتار ايىندا جاڭا ەرەجەلەر ەنگىزەمىز. سول جاڭا قاعيداتتارمەن بىرگە جاڭا اتتەستاتسيا پروتسەسىن باستايمىز», دەدى جۇلدىز سۇلەيمەنوۆا.
وسىلايشا, ءبىلىم بەرۋ جۇيەسىندە اتتەستاتسيا ەرەجەلەرى جاڭارتىلعانىمەن, پەداگوگتەردىڭ قۇقىقتارى مەن بۇرىن بەرىلگەن ساناتتارى وتپەلى كەزەڭدە ساقتالادى.
پرەزيدەنت الەمدەگى ەڭ ۇزدىك پەداگوگتەردىڭ قاتارىنا ەنگەن الماتىلىق مۇعالىمدى قۇتتىقتادى