12 ساۋىرگە قاراعان ءتۇنى استاناداعى ەسىل اۋدانى تۇركىستان كوشەسىندە ورنالاسقان 21 قاباتتى تۇرعىن ءۇيدىڭ 15-قاباتىنداعى پاتەردە ءورت شىققان. ءتىلسىز جاۋ سالدارىنان 3 بالا قايتىس بولىپ, ايەل اۋرۋحاناعا جەتكىزىلگەن ەدى, دەپ جازادى Egemen.kz.
دارىگەرلەر ناۋقاس ايەلدىڭ جاعدايىن اۋىر دەپ باعالاپ وتىر. دارىگەرلەردىڭ ايتۋىنشا, 39 جاستاعى ايەل جەدەل جاردەممەن مەديتسينالىق مەكەمەگە جەتكىزىلگەندە دەنەسىنىڭ 50-55%-ىن كۇيىك شالعانى انىقتالعان.
استاناداعى بالالار اۋرۋحاناسىندا ءورت شىقتى
«ناۋقاستىڭ II–III اب دارەجەلى تەرميالىق كۇيىك, تەرموينگالياتسيالىق زاقىمدانۋ جانە II-III دارەجەلى كۇيىك شوگىن العانى انىقتالدى. ناۋقاس شۇعىل تۇردە ارنايى پالاتاعا جاتقىزىلىپ, تراۆماتولوگ, رەانيماتولوگ, لور دارىگەرى جانە توكسيكولوگ مامانداردىڭ قاراۋىنان ءوتتى. كەيىن جانساقتاۋ جانە قارقىندى تەراپيا بولىمىنە جاتقىزىلدى», دەدى №1 كوپسالالى قالالىق اۋرۋحانانىڭ تراۆماتولوگ دارىگەرى مارات ءسابىروۆ.
اكىمدىك زارداپ شەككەن ايەلگە جانە قازا تاپقانداردىڭ وتباسىنا قاجەتتى جان-جاقتى كومەك كورسەتىلەتىنىن حابارلادى.