بۇگىندە ەلىمىزدىڭ تۇكپىر-تۇكپىرىندە «تازا قازاقستان» ەكولوگيالىق اكتسياسى اياسىندا تازالىق ءىس-شارالارى قارقىندى ءجۇرىپ جاتىر. ەلدەگى ەكولوگيالىق جاعدايدى جاقسارتۋعا, حالىقتىڭ ەكولوگيالىق مادەنيەتىنىڭ دەڭگەيىن ارتتىرۋعا, ازاماتتاردى قورشاعان ورتانى قورعاۋ ماسەلەلەرىنە تارتۋعا باعىتتالعان اكتسياعا جامبىل وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسىنىڭ قىزمەتكەرلەرى دە ايرىقشا ۇلەس قوسىپ كەلەدى, دەپ حابارلايدى Egemen.kz.
جۋىردا «تازا قازاقستان» اكتسياسى شەڭبەرىندە ينسپەكتسيا قىزمەتكەرلەرى تاراز قالاسىنداعى №26 مەكتەپتىڭ اۋلاسىنا وقۋشىلارمەن بىرگە 30 ءتۇپ اعاش وتىرعىزدى. ءىس-شارانىڭ ماقساتى – وسكەلەڭ ۇرپاقتىڭ بويىندا ەكولوگيالىق مادەنيەتتى قالىپتاستىرۋ, وقۋشىلاردىڭ قورشاعان ورتاعا دەگەن سۇيىسپەنشىلىگىن وياتۋ, سونداي-اق تابيعاتقا ۇقىپتىلىقپەن قاراۋعا تاربيەلەۋ.
«تازا قازاقستان» ەكولوگيالىق اكتسياسى باستالعالى بەرى ينسپەكتسيا ماماندارى قالامىزدى كوركەيتۋگە, ءوزىمىز ءومىر ءسۇرىپ جاتقان ورتانى, اينالامىزدى تازا ۇستاۋعا باعىتتالعان سەنبىلىكتەردى, بۇگىنگىدەي كوكتەمگى, كۇزگى اعاش وتىرعىزۋ ءىس-شارالارىن تۇراقتى تۇردە وتكىزىپ كەلەدى. ماسەلەن ينسپەكتسيانىڭ 2026 جىلعى جوسپارىنا سايكەس بۇگىن ءوتىپ جاتقان ء«وز اعاشىڭدى وتىرعىز» اكتسياسى وسى ءسوزىمىزدىڭ ايعاعى. الداعى ۋاقىتتا بۇل باعىتتاعى جۇمىستار باسقا ءبىلىم وردالارىندا دا جالعاسىن تابادى», دەيدى جامبىل وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسى باسشىسىنىڭ مىندەتىن اتقارۋشى نۇرعالي نيازقۇلوۆ.
«تازا قازاقستان»: پوليتسيا 3 مىڭنان استام زاڭسىز قوقىس ءۇيىندىسىن جويدى
ءوز كەزەگىندە اكتسياعا قاتىسقان وقۋشىلار ءىس-شارانىڭ تاربيەلىك ءمانى وتە جوعارى ەكەنىن اتاپ ءوتىپ, ينسپەكتسيا قىزمەتكەرلەرىنە العىستارىن ءبىلدىردى.
مەملەكەت باسشىسى: «تازا قازاقستان» جالپىۇلتتىق جوباسىنىڭ تۇپكى ءمانى – قوعامدىق سانانى جاڭعىرتۋ