قورعانىس مينيسترلىگى مەرزىمدى قىزمەتتىڭ اسكەري قىزمەتشىسى ەربايان مۇحتاردىڭ جاراقات العانى تۋرالى باق پەن الەۋمەتتىك جەلىلەردە تاراتىلعان اقپاراتقا قاتىستى مالىمدەمە جاسادى, دەپ حابارلايدى Egemen.kz.
قاتارداعى جاۋىنگەر ەربايان مۇحتار قر ىشكى ىستەر مينيسترلىگىنىڭ ۇلتتىق ۇلان بولىمشەسىندە مەرزىمدى اسكەري قىزمەت اتقارعان.
- مەرزىمدى قىزمەتتىڭ ساربازدارى ۇلتتىق قاۋىپسىزدىك كوميتەتىنىڭ شەكارا قىزمەتىندە, ىشكى ىستەر مينيسترلىگىنىڭ ۇلتتىق ۇلانىندا, مەملەكەتتىك كۇزەت قىزمەتىندە جانە توتەنشە جاعدايلار مينيسترلىگىندە قىزمەت وتكەرەتىنىن حابارلايمىز. قورعانىس مينيسترلىگى اتالعان كۇشتىك قۇرىلىمدارداعى اسكەري قىزمەتتىڭ قاۋىپسىزدىگىن باقىلاۋدى جۇزەگە اسىرمايدى. اسكەري قىزمەتشىلەردىڭ ءومىرى مەن دەنساۋلىعىن ساقتاۋ كومانديرلەر ءۇشىن باستى مىندەت بولىپ تابىلادى. ءبىز دە ەربايان مۇحتاردىڭ تۋىستارى مەن جاقىندارىمەن بىرگە ونىڭ دەنساۋلىعىنا الاڭدايمىز جانە قر قورعانىس مينيسترلىگىنىڭ ەمدەۋ مەكەمەلەرىندە مەديتسينالىق كومەك كورسەتۋگە دايىنبىز, - دەپ اتاپ ءوتتى ۆەدومستۆودان.