بيىل العاش رەت قازاقستان رەسپۋبليكاسى قورعانىس مينيسترلىگىنىڭ راديوەلەكترونيكا جانە بايلانىس اسكەري-ينجەنەرلىك ينستيتۋتىندا جاڭا ماماندىققا قابىلداۋ جۇرگىزىلىپ جاتىر, دەپ حابارلايدى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ.
قورعانىس مينيسترلىگىنىڭ مالىمەتىنشە, بۇل ماماندىق «اسكەري ىستەگى جۋرناليستيكا جانە قوعاممەن بايلانىس» دەپ اتالادى. قۇجاتتار 2024 جىلدىڭ 10 تامىزىنا دەيىن قابىلدانادى.
قاجەتتى قۇجاتتار:
اتتەستات / ديپلوم + قوسىمشا (تۇپنۇسقا جانە كوشىرمە); جەكە كۋالىك (تۇپنۇسقا جانە كوشىرمە); ۇبت سەرتيفيكاتى; جەڭىلدىكتەر مەن كۆوتالاردى راستايتىن سەرتيفيكاتتار (تۇپنۇسقا جانە كوشىرمە); فوتو 3ح4 – 6 دانا; 063/ۋ نىسانىنداعى مەديتسينالىق انىقتاما (كوشىرمەسى); 075/ۋ نىسانىنداعى مەديتسينالىق انىقتاما.ايتا كەتەيىك, شىعارماشىلىق ەمتيحانعا موتيۆاتسيالىق جانە پروبلەمالىق ەسسە جازۋ, سۇحبات جۇرگىزۋ كىرەدى. ال ارنايى پاندەر بويىنشا وقۋ پروتسەسى ءال-فارابي اتىنداعى قازۇۋ بازاسىندا وتەدى.