ەكونوميكالىق ءوسىم – دامۋىمىزدىڭ تىرەگى

ەلباسى ن.ءا.نازارباەۆ حالىققا جاريالاعان ۇلت جوسپارىن – حالقى­­مىزدىڭ جارقىن بولا­شاعى دەپ ۇعىنعان ءجون. 100 ناقتى قادامداعى 50 قادام «يندۋستريالاندىرۋ جانە ەكونوميكالىق وسىمگە» ارنالعان. ياعني, 50 پايىزى. بۇل ءبىزدىڭ پرەزيدەنتىمىزدىڭ كەڭەستەر وداعى ىدىراپ, تاۋەلسىزدىگىمىزدىڭ العاشقى جىلدارىنداعى حالىق ابدىراعان كەزەڭدە ۇستانعان: «الدىمەن – ەكونوميكا, سودان كەيىن ساياسات» اتتى تاريحي باعىتىنىڭ ومىرشەڭدىگى جانە جالعاسى دەپ ءتۇسىنۋىمىز كەرەك. وسى ەكونوميكاعا ارنال­عان 50 قادامنىڭ 35, 36, 46, 60, 61, 74, 75, 84-قادامدارى الىستاعى قازاق اۋىلدارى­نا ارنالعان سياقتى. وندا اۋىلشارۋاشىلىق جەرلە­رىن ءتيىمدى پايدالانۋ, جەر تەلىمدەرىن ماقساتتى قول­دانۋ, سالىناتىن قۇرى­لىس­قا رۇقسات الۋدى وڭتاي­لان­دىرۋ, ءسۇت جانە ءسۇت ءونىم­دەرى ءوندىرىسىن دامىتۋ, ەت وڭدەۋدى مولايتۋ, جەر قويناۋ­­لارىن پايدالانۋ سالا­­سىنىڭ ءمول­دىر­لىگى مەن بولجام­دى­لى­­عىن ارتتىرۋ, پايدالى قازبا­لاردىڭ بارلىق تۇرلەرى ءۇشىن كەلىسىمدەر جاساۋدىڭ وڭتايلاندىرىلعان ءادىسىن ەنگىزۋ جانە الەۋمەتتىك كومەك­تى ونىڭ اتاۋلى سيپا­تىن كۇشەيتە وتىرىپ ىڭعاي­لاستىرۋ ماسەلەلەرى قامتىلعان. بۇل 100 ناقتى قادامدى ءبىز پرەزيدەنتتىڭ اكىمدەرگە بەرگەن حاتتامالى تاپسىرمالارى دەپ تۇسىنەمىز. ولاردى جەرگىلىكتى جەردەگى پرەزيدەنتتىڭ وكىلى رەتىندە ءىس جۇزىنە اسىرۋعا بار كۇش-جىگەرىمىزدى جۇمسايتىن بولامىز. دىلدابەك ورازباەۆ, تارباعاتاي اۋدانىنىڭ اكىمى. شىعىس قازاقستان وبلىسى.