وبلىستىق ىشكى ىستەر دەپارتامەنتى ۇيىمداسقان قىلمىسپەن كۇرەس باسقارماسى جانە «ارلان» ارنايى بولىمشەسى قىزمەتكەرلەرى 64 جاستاعى ازاماتتىڭ جەتى جىلعا تاياۋ ۋاقىت قۇلدىقتا ۇستالعانىن انىقتادى.
بۇل جايت شالعايداعى بوكەي ورداسى اۋدانىنداعى ماڭ دالادا, مال قىستاعىندا ورىن العان.ونىڭ ەرىكسىز ەڭبەك تۇتقىنىندا جۇرگەنى بەلگىلى بولعاننان كەيىن «ەسىن جيعان» جابىرلەنۋشى پوليتسياعا ءوتىنىش-شاعىم جازىپ, اتالعان ۋاقىتتىڭ ارالىعىندا وعان ەشقانداي تولەم تولەنبەگەنى ءجونىندە ايتقان. باتىس قازاقستان وبلىستىق ىشكى ىستەر دەپارتامەنتى ءباسپاسوز قىزمەتىنىڭ جەتەكشىسى گۇلجان قاناتوۆا جوعارىداعىداي مالىمدەمە جاسادى. وسىدان كەيىن باسىنا ءبىر ۇلكەن قارا بۇلتتىڭ ءتونىپ كەلە جاتقانىن سەزە قويعان شارۋا قوجالىعىنىڭ جەتەكشىسى, ياعني زەينەت جاسىنداعى ادامدى قۇلدىققا جەككەن مەنشىك يەسى وعان التى جىلدان استام ۋاقىتتاعى ەڭبەگى ءۇشىن 760 مىڭ تەڭگە تولەگەن. وسىمەن ول ءوز ايىبى مەن كىناسىنەن تولىق ارىلا الا ما؟ ارىلا المايتىن سەكىلدى. ويتكەنى, وعان قاتىستى قازاقستان رەسپۋبليكاسى قىلمىستىق كودەكسىندە قاراستىرىلعان «ادامداردى ساتۋ» ارنايى بابى بويىنشا سوتقا دەيىنگى تەكسەرۋ ءىسى باستالىپ كەتىپتى.
تەمىر قۇسايىن, «ەگەمەن قازاقستان».
باتىس قازاقستان وبلىسى, بوكەي ورداسى اۋدانى.