بۇگىندە ادام ساناسى بارلىق ءىس-ارەكەتىن ەكولوگيالىق تۇرعىدان قاراستىرماسا, تىرشىلىگىمىزگە قاۋىپ ءتونىپ تۇرعانى ءسوزسىز. ءال-فارابي اتامىز ايتقانداي, «دۇنيەدە ءبارى ماتەماتيكالىق دالدىكپەن ورنالاسقان, ورنىنان ءبىر نارسە جىلجىسا, تابيعاتتاعى تەپە-تەڭدىك بۇزىلادى». ءبىر جاقسىسى, وسى رەتتە جاستار ءوز بولاشاعىنا جاۋاپكەرشىلىكپەن قارايتىنىن ولاردىڭ جىل سايىنعى وتەتىن ۇلتتىق ەكولوگيالىق فورۋمعا قاتىسۋىنان بىلۋگە بولادى. ءىى ۇلتتىق ەكولوگيالىق جاستار فورۋمى «جاندانۋ الەمى» قورىنىڭ قۇرىلتايشىسى ءا.نازارباەۆانىڭ جەكە باستاماسىمەن جاقىندا ءال-فارابي اتىنداعى قازۇۋ-دا وتكەن بولاتىن.
فورۋمنىڭ باس ارىپتەسى تۇڭعىش پرەزيدەنت قورى, فورۋمنىڭ ۇيىمداستىرۋشىلارى ءبىلىم جانە عىلىم مينيسترلىگى جانە «جاندانۋ الەمى» قورى بولىپ تابىلادى. فورۋمنىڭ باستى ماقساتى جاستاردىڭ قورشاعان ورتاعا دەگەن ىقپالىن جاقسارتۋ, ەكولوگيالىق اعارتۋ, ەكولوگيالىق مادەنيەتىن قۇرۋ جانە قوعامنىڭ تۇيسىگىن قالىپتاستىرۋ سالاسىنداعى «جاسىل ەكونوميكاعا» كوشۋ جونىندەگى تۇجىرىمداماسىن جۇزەگە اسىرۋ; جاستاردىڭ وزەكتى ەكولوگيالىق ماسەلەلەردى شەشۋگە بايلانىستى زەرتتەۋلەرگە, تاجىريبەلىك جانە قوعامدىق جۇمىسقا بەلسەندى تارتىلۋىن قامتاماسىز ەتۋ. جيىندى عىلىم جانە ءبىلىم مينيسترلىگى وكىلدەرىنىڭ, گەرمانيا مەن فينليانديانىڭ عىلىمي ساراپشىلارىنىڭ قاتىسۋىمەن ەكولوگيا سالاسىنداعى حالىقارالىق ءبىلىم بەرۋ باعدارلامالارىنىڭ تۇساۋكەسەرى اشتى. بۇل فورۋمعا ەلىمىزدىڭ بارلىق جوعارى وقۋ ورىندارىنىڭ وكىلدەرى قاتىستى. ءار وقۋ ورنىنان جالىندى جاستاردان قۇرالعان كوماندالار كەلدى. فورۋمنىڭ ءۇش كۇندىك جۇمىسى بارىسىندا رەسپۋبليكالىق عىلىمي-زەرتتەۋ جۇمىستارىنىڭ بايقاۋى شەڭبەرىندە ەكولوگيا سالاسىنداعى بىرلەسكەن جوبالاردى جوسپارلاۋ, تابيعاتتى قورعاۋ قىزمەتى سالاسىنداعى تەوريالىق جانە تاجىريبەلىك ءبىلىمدى تالقىلاۋعا ارنالعان الاڭ قۇرىلدى. فورۋمعا كەلىپ تۇسكەن ستۋدەنتتەردىڭ 100-گە جۋىق عىلىمي ەڭبەگى جيناقتالىپ, وسى سالاداعى ساراپشىلار ۇجىمى ۇلكەن سارالاۋ جۇمىسىن جۇرگىزدى. ەكو-فورۋمنىڭ باعدارلاماسىنا «مەنىڭ جاسىل قالام – مەنىڭ ارمان قالام» تاقىرىبىنا جوو اراسىندا بوتانيكا باعىنىڭ اۋماعىندا وتكەن بايقاۋلىق باعدارلاما, مەدەۋ شاتقالىنا ەكسكۋرسيالىق تۋر, «بارلىعى وتباسىنان باستالادى» بەينەروليكتەر بايقاۋى, «بالالىق شاقتىڭ بالداۋرەن عالامشارى» بالالار ەكو-شىعارماشىلىعىنىڭ كورمەسى كىردى. ۇلتتىق فورۋم گالا-كونتسەرتپەن اياقتالدى, وندا قازاقستان رەسپۋبليكاسى تۇڭعىش پرەزيدەنتى قورىنىڭ «جاندانۋ الەمى» قورىمەن بىرلەسىپ جۇزەگە اسىراتىن «بالالىق شاقتىڭ بالداۋرەن الەمى» الەۋمەتتىك جوباسىنىڭ تۇساۋكەسەرى بولدى. فورۋمنىڭ جۇمىسىنا قازاقستاننىڭ بارلىق ايماعىن قامتىعان ەلىمىزدىڭ 34 جوعارى جانە ارنايى وقۋ ورىندارىنان كەلگەن 1540 دەلەگات قاتىستى. ەڭ ۇزدىك جۇمىستاردىڭ اۆتورلارى, فورۋمنىڭ باس ارىپتەسى قازاقستان رەسپۋبليكاسى تۇڭعىش پرەزيدەنتى قورى تاعايىنداعان ارنايى سىيلىقتاردى ۋ.اسەن, ا.بولاتبەك, ا.دارمەنقۇلوۆا, م.جۇمابەكوۆا, ش.جەلەنوۆا, گ.ەلشىبەك, گ.سەيتماعانبەتوۆا, م.سارمان, ا.ياكۋتسەنيا سىندى ءال-فارابي اتىنداعى قازۇۋ ستۋدەنتتەرى ەنشىلەگەنىن ماقتان تۇتامىز. ستۋدەنت جاستارىمىزدىڭ بەلسەندى وي, پىكىرتالاسىنا قاراپ, كەڭىنەن قانات جايعان ەكولوگيالىق فورۋمعا اق جول تىلەيمىز. ءاليا نازارباەۆا باستاعان ۇيىمداستىرۋشى ازاماتتاردىڭ وسى وتانسۇيگىشتىك رۋحتاعى پاتريوتتىق باستاماسى جاستارىمىزدىڭ بويىندا ەڭ باستى قازىنالارىمىزدىڭ ءبىرى – ەكولوگيالىق سانانى قالىپتاستىرۋعا بولاشاققا دا قىزمەت ەتە بەرسە, نۇر ۇستىنە نۇر دەمەكپىز.
تۇرسىنكۇل بازارباەۆا, ءال-فارابي اتىنداعى قازۇۋ-دىڭ ەنەرگوەكولوگيا كافەدراسىنىڭ مەڭگەرۋشىسى, گەوگرافيا عىلىمدارىنىڭ كانديداتى, دوتسەنت.
الماتى.
سۋرەت: http://www.zhandanu.com/