پەتروپاۆل. 11 ماۋسىم. وبلىس ورتالىعىندا حالىقارالىق ستاندارتتاعى “Hampton by Hilton” قوناقۇيىنىڭ قۇرىلىسىن باستاۋعا ارنالعان شارا ءوتتى. وعان وبلىس اكىمىنىڭ ورىنباسارى ەرلان اۋكەنوۆ قاتىسىپ, ينۆەستور “Nord hotel Group” جشس-ءنىڭ يگىلىكتى ىسىنە ساتتىلىك تىلەدى. بۇل تۋرالى اكىمدىكتىڭ ءباسپاسوز قىزمەتى حابارلادى.
اتالمىش نىساننىڭ قۇرىلتايشىسى دميتري كوشەلەۆتىڭ ايتۋىنا قاراعاندا, قوناقۇيدىڭ جوباسى ارنايى تاپسىرىس بويىنشا ماسكەۋدە جاسالعان. جوبانىڭ قۇنى 300 ميلليون رەسەي ءرۋبلىن, جالپى اۋماعى 10900 شارشى مەتردى قۇرايدى. قۇرىلىسقا “Nord hotel Group” جشس-ءنىڭ جەكە ينۆەستيتسياسى جۇمسالادى. سونىمەن بىرگە بانك نەسيەسىنىڭ سىياقىسىن دەمەۋقارجىلاندىرۋعا جانە ينفراقۇرىلىمدار تارتۋعا “بيزنەستىڭ جول كارتاسى - 2020” باعدارلاماسى مەن “دامۋ” قورى ارقىلى مەملەكەتتىك قولداۋ كورسەتۋ جوسپارلانعان. باس مەردىگەر – “ۋدارنيك سك” جشس.
جەتى قاباتتان تۇراتىن 4 جۇلدىزدى كوپبەيىندى قوناقۇي كەشەنىنىڭ جوعارعى 5 قاباتىندا 120 ءنومىر ورنالاسادى, ونىڭ 2-ءۋى – پرەزيدەنتتىك, 2-ءۋى – ليۋكس, 10-ى – دەليۋكس, 106-سى – ستاندارتتى نومىرلەر. زاماناۋي عيماراتتا كونفەرەنتسيا زالى, فيتنەس ورتالىعى جانە مەيرامحانا ورنالاسادى, ال تومەنگى ەكى قابات ساۋدا بۋتيكتەرى مەن سۋپەرماركەتتەرگە ارنالادى. وبلىستا تەڭدەسى جوق قۇرىلىستى 2016 جىلى ماۋسىم ايىندا قىزىلجار وڭىرىندە قازاقستان جانە رەسەي پرەزيدەنتتەرىنىڭ قاتىسۋىمەن وتەتىن ايماقارالىق فورۋم قارساڭىندا اياقتاۋ كوزدەلىپ وتىر.
«حالىقارالىق تالاپتارعا جاۋاپ بەرەتىن العاشقى كوپبەيىندى قوناقۇي كەشەنى وڭىردە ىسكەرلىك ءتۋريزمدى دامىتۋعا, قوناقتاردى جوعارى دەڭگەيدە قابىلداۋعا مۇمكىندىك بەرەدى. ينۆەستور مەن باس مەردىگەر قۇرىلىستى ۋاقىتىلى ىسكە قوسۋعا بەرۋگە ۋادە ەتىپ وتىر», دەي كەلىپ, وبلىس اكىمىنىڭ ورىنباسارى ەرلان اۋكەنوۆ جەرگىلىكتى قۇرىلىس ماتەريالدارىن بارىنشا پايدالانۋدى اتاپ كورسەتتى.
«مەن پەتروپاۆل قالاسىنىڭ تۋماسىمىن. وسىندا تۇرامىن. ءوز جەرىمنىڭ پاتريوتى رەتىندە وبلىس ورتالىعىندا باسقالارعا ۇقسامايتىن بىرەگەي نىسان سالۋدى ويلاستىرىپ جۇرگەنمىن. ول ءۇشىن بارلىق مۇمكىنشىلىكتى پايدالانامىز, دەدى ينۆەستور دميتري كوشەلەۆ.
سالتاناتتى راسىمنەن كەيىن “Hampton by Hilton” قوناقۇيىنىڭ قۇرىلىسىنا ارنالعان كاپسۋلا تاسقا بۇرعىلانعان ويىققا ورناتىلدى.
ءومىر ەسقالي.
دەرەك: سولتۇستىك قازاقستان وبلىستىق اكىمدىگىنىڭ ءباسپاسوز قىزمەتى.
سۋرەت: egemen.kz