استانا. 11 ماۋسىم. قازاقستاندا قىلمىس ۇستىندە نەمەسە سونىڭ ارەكەتىندە قولعا تۇسكەن پەدوفيلدەرگە سوت جۇزىندە جازا كەسۋمەن بىرگە, ولاردى ءپىشتىرۋدى قولدانىسقا ەنگىزۋ تۋرالى ۇسىنىس بەرىلدى. بۇل تۋرالى Tengrinews.kz ءتىلشىسى حابارلادى.
«ءپىشتىرۋ داۋلى ماسەلە بولعانىمەن, ول ەرىكتى نەمەسە ەرىكسىز تۇردە, حيميالىق نەمەسە وتا جاساۋ جولدارىمەن جاسالاتىن ساقتاندىرۋ شاراسى بولىپ تابىلادى. قازىر كوپتەگەن ەلدەردە, - ولاردىڭ اراسىندا رەسەي دە بار, - وسى ساناتتاعى قىلمىستى ازايتۋ باعىتىنداعى جازالاۋدىڭ بۇل ءتۇرى زاڭعا ەنگىزىلگەن جانە ءبىرىنشى كەزەكتە ول بۇلدىرشىندەردى قورعاۋ ماقساتىندا قولدانىلادى», - دەپ مالىمدەدى قازاقستان باس پروكۋرورىنىڭ ورىنباسارى نۇرماحانبەت يساەۆ استانادا وتكەن وتىرىس بارىسىندا.
ول ىشكى ىستەر, دەنساۋلىق ساقتاۋ مەن الەۋمەتتىك دامۋ ورگاندارىنا بۇل ماسەلەنى جان-جاقتى قاراستىرۋدى ۇسىندى.
يساەۆ ءوز سوزىندە قوعامنان زورلىقشىلاردى شەتتەتۋ شارالارىنىڭ جەتكىلىكسىز بولىپ وتىرعانىن ايتتى. «جىل سايىن تۇرمەدەن جۇزدەگەن زورلىقشى شىعادى جانە ولار بۇرىنعى ادەتتەرىنە قايتا ورالمايدى دەگەن ەشقانداي كەپىل جوق. ءبىزدىڭ كەيبىر قىزمەتكەرلەردىڭ وسى قىلمىس ءتۇرىنىڭ قايتالانۋىنا قاتىستى دالەلى وتە تومەن, نازارعا ىلىگە المايدى, سەبەبى بۇل قىلمىستاردىڭ بەيمالىمدىگى اسا جوعارى (...). سوندىقتان ونىڭ سەبەبىن, پسيحيكا پاتولوگياسىن, ساديزمگە بەيىمدىلىگىن انىقتاۋ ءۇشىن پسيحولوگيالىق-پسيحياتريالىق ساراپتامالار جاسالۋى كەرەك, سەبەبى, جىلدا 100-گە دەيىن زورلىقشى تۇرمەدەن شىعادى», - دەدى باس پروكۋروردىڭ ورىنباسارى.
ول ءوز سوزىندە مىناداي مىسال كەلتىردى: وسكەمەندە زورلاۋ ارەكەتى ءۇشىن 2000 جىلى سوتتالىپ, 2005 جىلى تۇرمەدەن بوساپ شىققان ازامات بىرنەشە ايدان كەيىن سول قىلمىستى قايتا جاساعان. 10 جىل تۇرمەدە وتىرىپ, اقپاندا شىققان ول ەكى اپتادان كەيىن ءبۇلدىرشىندى زورلاعان بولىپ شىقتى.
تالعات رايىمبەك.
دەرەك, سۋرەت: Tengrinews.kz.