الماتى.11 ماۋسىم. شاڭىراعىن جاڭادان عانا كوتەرگەن ناۋرىزباي اۋدانى الداعى 4 جىلدىڭ ىشىندە ادام تانىماستاي وزگەرەدى. قالا ساۋلەتشىلەرى – ايماق قازىرگى پروۆينتسيالىق كەيپىنەن مۇلدەم تازاراتىن بولادى دەيدى. بۇل تۋرالى egemen.kz حابارلادى.
قۇرىلىستىڭ الدان الا جاسالىنعان باس جوباسى بويىنشا ناۋرىزباي اۋدانىندا 1300 شارشى مەترلىك تۇرعىن ءۇي سالىنىپ, 15 ىقشام اۋدان تۇرعىزىلادى. العاشقى كەزەڭدە بۇل كەشەندەردە 70 مىڭ ادام قونىستانادى. بارلىعى 4 مەكتەپ پەن 9 بالا باقشا سالىنادى. «قالاقۇرىلىسى» جاۋاپكەرشىلىگى شەكتەۋلى سەرىكتەستىگىنىڭ ديرەكتورى التاي ساتىبالديەۆ: «مۇنىڭ سىرتىندا اۋداندىق اكىمدىك عيماراتى, ورتالىق الاڭ, شىعارماشىلىق ۇيلەرى مەن مەملەكەتتىك باسقارۋ ورگاندىرىنىڭ عيماراتتارى سالىنادى», – دەدى.
نازار اۋداراتىن ءبىر جايت, ناۋرىزباي اۋدانىندا وندىستىك نىساندارعا ورىن جوق. كەرىسىنشە, حالىق دەمالاتىن ساياباقتار مەن ستاديوندار جانە ۇلكەن ءبىر يپپودروم بوي كوتەرەدى. الماتى قالىسىنىڭ تۇيىقتالعان اباي مەن ۇلىقبەك جانە جۇبانوۆ كوشەلەرى تاياۋ ارادا اۋدانعا قاراي جول-كولىك قاتىناسىن اشاتىن بولادى.
تالعات ءسۇيىنباي.
دەرەك, سۋرەت: egemen.kz.