ماڭعىستاۋ وبلىسىنىڭ پروكۋراتۋراسى ەكونوميكالىق تەرگەۋ دەپارتامەنتى, سىبايلاس جەمقورلىققا قارسى قىزمەتىمەن بىرلەسىپ مۇناي-گاز سالاسىنىڭ 5 كاسىپورنىندا تەكسەرۋ جۇرگىزىپ جاتىر, دەپ جازادى Egemen.kz.
«ويلترانسپورتكورپورەيشن» جشس-ءنىڭ («قازمۇنايگاز» ۇك اق ەنشىلەس كاسىپورنى) لاۋازىمدى تۇلعالارى تاۋار جەتكىزۋشىدەن 1,5 ملرد تەڭگەدەن استام سوماعا تەحنيكالىق ەرەكشەلىككە سايكەس كەلمەيتىن اۆتوبۋستاردى قابىلداعانى انىقتالدى. بۇل رەتتە ولاردىڭ قۇنى 400 ملن تەڭگەگە جوعارىلاتىلعان.
جۇمىس ىستەلمەگەن ارنايى تەحنيكا قىزمەتتەرى ءۇشىن نەگىزسىز 110 ملن تەڭگە مولشەرىندە قاراجات اۋدارۋ فاكتىلەرى بەلگىلى بولدى.
ال «West Oil Software» جشس-دە («ويلترانسپورتكورپورەيشن» جشس مەردىگەرلىك ۇيىمى) جۇمىس ىستەمەگەن ادامدارعا 400 ملن تەڭگەدەن استام جالاقى تولەۋ, كومپانيا باسشىلىعىنىڭ جاقىن تۋىستارىنا دا نەگىزسىز جالاقى ەسەپتەلگەن.
اتالعان بۇزۋشىلىقتار بويىنشا قىلمىستىق كودەكستىڭ 189-بابىنىڭ 4-بولىگى (سەنىپ تاپسىرىلعان بوتەن م ۇلىكتى ءىرى مولشەردە بەرۋ نەمەسە جىمقىرۋ) بويىنشا 5 سوتقا دەيىنگى تەرگەپ-تەكسەرۋ باستالدى. پروتسەستىك پروكۋرورلار تاعايىندالدى.
سوتقا دەيىنگى تەرگەپ-تەكسەرۋ شەڭبەرىندە اتالعان ۇيىمداردىڭ 4 باسشىسى ۇستالدى.