نەگىزگى ۇبت سىناعىنا 6-10 مامىر ارالىعىندا تىركەلۋگە بولادى, دەپ حابارلايدى Egemen.kz قر عىلىم جانە جوعارى ءبىلىم مينيسترلىگىنە سىلتەمە جاساپ.
ەلدەگى سۋ تاسقىنى سالدارىنان توتەنشە جاعداي جاريالانعان وڭىرلەردەن, اتاپ ايتقاندا اقمولا, اقتوبە, اتىراۋ, باتىس قازاقستان, قوستاناي, سولتۇستىك قازاقستان وبلىستارىنان تەستىلەۋگە قاتىساتىندار 6-13 مامىر ارالىعىندا العاشقى مۇمكىندىك بويىنشا ءوتىنىش بەرە الادى.
ايتا كەتەيىك, ءبىر تاۋلىك ىشىندە 152 438 تالاپكەر ۇبت تاپسىرۋعا ءوتىنىش بەردى.
تىركەلۋ كەزىندە تالاپكەرلەر وزدەرىنە قولايلى كۇندى, ۋاقىتتى جانە تەستىلەۋ ورنىن تاڭداي الادى.
ەسكە سالايىق, قر عىلىم جانە جوعارى ءبىلىم مينيسترلىگىنىڭ شەشىمى بويىنشا بيىل بارلىق تالاپكەرگە ۇبت-نى ەكى رەت تاپسىرۋعا جانە گرانتتار كونكۋرسىنا قاتىسۋعا مۇمكىندىك بەرىلەدى.