فوتو: ۆيدەودان الىنعان كادر
ارنايى قىزمەتتەردىڭ شۇعىل ارەكەت ەتۋىنە تۇرعىنداردىڭ كوپتەن بەرى ايتقان شاعىمدارى سەبەپ بولعان. كورشىلەر پاتەردەن شىققان وتكىر ساسىق يىسكە, جاندىكتەر مەن كەمىرگىشتەردىڭ كوبەيۋىنە, سونداي-اق جينالعان قوقىستىڭ ءورت قاۋپىن تۋدىرىپ وتىرعانىنا الاڭداۋلى.
وقيعا ورنىنا بارعان ۋچاسكەلىك ينسپەكتورلار پاتەردەگى انتيسانيتاريالىق جاعدايدىڭ وتە اۋىر ەكەنىن انىقتادى. بولمە ەسكى زاتتار, پاكەتتەر جانە تاعام قالدىقتارىنا تولىپ كەتكەن. قوقىس توبەگە دەيىن جينالعانى ايتىلدى.
تىنىسى تارىلعان ايتەي: قوقىس پوليگونىنىڭ ماسەلەسى قاشان شەشىلەدى؟
پاتەردى تولىق تازارتۋ ءۇشىن كوممۋنالدىق قىزمەتكەرلەر مەن ەرىكتىلەرگە ءبىر كۇنگە جۋىق ۋاقىت كەتكەن.
پوليتسيا دەپارتامەنتىنىڭ مالىمەتىنشە, قوقىسقا تولى پاتەر تۇرعىندار ءۇشىن ۇلكەن قاۋىپ توندىرگەن. ماماندار ءورت شىعۋ قاۋپى جوعارى بولعانىن, سونداي-اق ينفەكتسيالىق اۋرۋلاردىڭ تارالۋى مەن سانيتارلىق تالاپتاردىڭ ورەسكەل بۇزىلۋ قاۋپى بار ەكەنىن اتاپ ءوتتى.
پاتەر يەسى – ەگدە جاستاعى ايەلمەن پروفيلاكتيكالىق اڭگىمە جۇرگىزىلگەن. قۇقىق قورعاۋ ورگاندارى مۇنداي جاعدايلار كوبىنە پسيحولوگيالىق ماسەلەلەرمەن نەمەسە وقشاۋلانۋعا بايلانىستى بولۋى مۇمكىن ەكەنىن ايتىپ, وعان مەديتسينالىق جانە الەۋمەتتىك كومەك ۇسىنىلعانىن حابارلادى.
قاعازدا – «قانتتاي», كوشەدە – قوقىس: ۇندەۋگە ءۇن قوسپاعان ءۇرجار
اباي وبلىسى پوليتسيا دەپارتامەنتى تۇرعىنداردى ومىرگە, دەنساۋلىققا نەمەسە سانيتارلىق قاۋىپسىزدىككە قاتەر توندىرەتىن جاعدايلار تۋرالى دەر كەزىندە قۇقىق قورعاۋ ورگاندارىنا حابارلاۋعا شاقىردى.
