قاۋىپسىزدىك جونىندەگى حاتشى وڭىردەگى پوليتسيا, كوشى-قون, كەدەن, قىلمىستىق-اتقارۋ, ورتكە قارسى جانە اۆياتسيالىق-قۇتقارۋ قىزمەتتەرىنىڭ جۇمىسىن ۇيلەستىرەدى.
كەزدەسۋ كەزىندە تاراپتار ترانسۇلتتىق قىلمىسقا قارسى كۇرەس, ىزدەۋدە جۇرگەن ادامداردى ەكستراديتسيالاۋ, زاڭسىز شىعارىلعان اكتيۆتەردى قايتارۋ جانە قىلمىستىق جولمەن الىنعان كىرىستەردى جىلىستاتۋعا قارسى ءىس-قيمىل ماسەلەلەرىن تالقىلادى.
«قاراعاندى – جەزقازعان» اۆتوجولىن سالۋ: ۆاشينگتوندا قارجىلاندىرۋ تۋرالى كەلىسىمگە قول قويىلدى
كەلىسسوزدەر ناتيجەسىندە قىلمىسكەرلەردى ۇستاپ بەرۋ تۋرالى, قىلمىستىق ىستەر بويىنشا ءوزارا قۇقىقتىق كومەك كورسەتۋ تۋرالى, سوتتالعان ادامداردى بەرۋ تۋرالى مەملەكەتارالىق كەلىسىمدەرگە قول قويىلدى.
سونىمەن قاتار تاراپتار جەدەل جانە كريميناليستيكالىق اقپارات الماسۋعا, زاماناۋي تەحنولوگيالار مەن جاساندى ينتەللەكتىنى قولدانۋ ارقىلى قىلمىستاردى تەرگەۋ تاجىريبەسىن جەتىلدىرۋگە ۋاعدالاستى.
قازاقستان مەن ماروككو قىلمىسكەرلەردى ۇستاپ بەرۋ تۋرالى كەلىسىمگە كەلدى
باس پروكۋراتۋرا مالىمەتىنشە, گونكونگ الەمدەگى ءىرى قارجى ورتالىقتارىنىڭ ءبىرى سانالادى. بۇعان دەيىن قازاقستان ماكاو جانە سينگاپۋر مەملەكەتتەرىمەن دە قىلمىستىق-قۇقىقتىق سالاداعى حالىقارالىق كەلىسىمدەرگە قول قويعان بولاتىن.
وسىلايشا, قازاقستان رەسپۋبليكاسىنىڭ باس پروكۋراتۋراسى شىعىس ازياداعى نەگىزگى وفشورلىق ايماقتارمەن قۇقىقتىق كومەك كورسەتۋگە قاتىستى حالىقارالىق قۇقىقتىق بازانى قالىپتاستىرۋ جۇمىسىن اياقتاعانىن مالىمدەدى.
