فوتو: Getty Images
Diario As باسىلىمىنىڭ مالىمەتىنشە, ەندى الەمدەگى ءاربىر فۋتبولشىنىڭ كەلىسىمشارتىندا مىندەتتى تۇردە وتەماقى (كلاۋسۋلا) تۋرالى تارماق بولۋى ءتيىس. ەگەر كورسەتىلگەن سوما تولەنسە, قولدانىستاعى كەلىسىمشارت ءوز كۇشىن جويادى. مۇنداي جۇيە قازىردىڭ وزىندە يسپانيادا قولدانىلادى. الايدا باسقا ەلدەردىڭ فۋتبول فەدەراتسيالارى ونى ەنگىزۋگە اسىقپاعان.
بۇل قادام فۋتبولشىلاردىڭ كلۋبتار اراسىنداعى اۋىسۋىن جەڭىلدەتەدى دەپ وتىر. سونىمەن قاتار جىلدىق جالاقىسى 150 مىڭ ەۋروعا دەيىنگى ويىنشىلار كلاۋسۋلا سوماسىنىڭ نەمەسە ترانسفەر قۇنىنىڭ 5 پايىزى كولەمىندە وتەماقى الۋعا مىندەتتى تۇردە قۇقىلى بولادى. ەگەر ترانسفەر سوماسى كلاۋسۋلادان وزگەشە بولسا, وتەماقى ترانسفەر قۇنى نەگىزىندە ەسەپتەلەدى.
فيفا الەم چەمپيوناتىنان قانشا تابىس تابادى؟
فۋتبولشىلار بۇل تولەمنەن ءىشىنارا باس تارتا الادى. الايدا وتەماقى كولەمى كەلىسىمشارتتىڭ سوڭعى جىلىنداعى جالاقى مولشەرىنەن نەمەسە ترانسفەر سوماسىنىڭ 2,5 پايىزىنان تومەن بولماۋى ءتيىس.
فيفا كەلىسىلگەن شەشىمدەردى تەك ولاردىڭ زاڭنامالىق نورمالارعا قايشى كەلەتىنىن نەمەسە شامادان تىس شىعىندارعا الىپ كەلەتىنىن دالەلدەگەن جاعدايدا عانا ىسكە اسىرۋدان باس تارتا الادى.
