كوشپەلى وتىرىس مەملەكەت باسشىسى قاسىم-جومارت توقاەۆتىڭ IV ۇلتتىق قۇرىلتايدا جانە قازاقستان حالقىنا جولداۋلارىندا بەرگەن وڭىرلىك عىلىمدى دامىتۋ, ونەركاسىپتىك الەۋەتتى ارتتىرۋ, تەحنولوگيالىق تاۋەلسىزدىكتى قامتاماسىز ەتۋ جانە ادامي كاپيتالدى دامىتۋ جونىندەگى تاپسىرمالارىن ىسكە اسىرۋ اياسىندا ۇيىمداستىرىلدى.
كوشپەلى وتىرىستىڭ نەگىزگى ماقساتى – ۇلىتاۋ وبلىسىنىڭ عىلىمي-تەحنولوگيالىق دامۋىنداعى وزەكتى ماسەلەلەردى تالقىلاۋ جانە ءوڭىردىڭ ونەركاسىپ, ەكولوگيا, سۋمەن قامتاماسىز ەتۋ, گەولوگيا, ەنەرگەتيكا جانە الەۋمەتتىك سالاداعى ستراتەگيالىق مىندەتتەرىن شەشۋگە باعىتتالعان عىلىمدى دامىتۋدىڭ باسىم باعىتتارىن ايقىنداۋ بولدى.
كوشپەلى وتىرىسقا ۇلتتىق عىلىم اكادەمياسىنىڭ پرەزيدەنتى اقىلبەك كۇرىشباەۆ, ۇلىتاۋ وبلىسى اكىمىنىڭ ورىنباسارى ن.كارىپباەۆ, عىلىم جانە جوعارى ءبىلىم ءمينيسترى ساياسات نۇربەك, ەكولوگيا جانە تابيعي رەسۋرستار ءمينيسترى ەرلان نىسانباەۆ, ونەركاسىپ جانە قۇرىلىس ۆيتسە-ءمينيسترى ءجاننات ءدۇبىروۆا, قحر گانسۋ پروۆينتسياسى ءتۇستى مەتالداردى گەولوگيالىق بارلاۋ باسقارماسى باستىعىنىڭ ورىنباسارى ليۋ يۋنگان, قحر لانچجوۋ ۋنيۆەرسيتەتىنىڭ گەولوگيا عىلىمدارى جانە مينەرالدىق رەسۋرستار ينستيتۋتى ديرەكتورىنىڭ ورىنباسارى, پروفەسسور داي شۋان, «قازاقمىس كورپوراتسياسى» باسقارما توراعاسىنىڭ ورىنباسارى عالىم نۇرجانوۆ, ۇلتتىق عىلىم اكادەميانىڭ اكادەميكتەرى, جوعارى وقۋ ورىندارى مەن عىلىمي-زەرتتەۋ ينستيتۋتتارىنىڭ ءبىرىنشى باسشىلارى, ءوڭىردىڭ ءىرى ونەركاسىپ, بيزنەس وكىلدەرى مەن جەتەكشى عالىمدار قاتىستى.
ۇلتتىق عىلىم اكادەمياسىنىڭ پرەزيدەنتى اقىلبەك كۇرىشباەۆ ءوز سوزىندە وڭىرلىك عىلىمدى دامىتۋ – وڭىرلەردىڭ باسەكەگە قابىلەتتىلىگى مەن ەكونوميكالىق ءوسىمىنىڭ نەگىزگى فاكتورى ەكەنىن اتاپ ءوتتى. ونىڭ ايتۋىنشا, بۇگىنگى تاڭدا عالىمداردىڭ 61 پايىزى مەن عىلىمدى قارجىلاندىرۋدىڭ 71 پايىزى استانا جانە الماتى قالالارىندا شوعىرلانعان, سوندىقتان وڭىرلىك عىلىمدى كۇشەيتۋ ۋاقىت تالابى بولىپ وتىر.
ۇلتتىق عىلىم اكادەمياسى ازىرلەگەن «اشىق قولدانبالى عىلىم» مودەلى عىلىمي زەرتتەۋلەردىڭ تولىق تسيكلىن قارجىلاندىرۋعا باعىتتالعان. بۇل مودەل ۇكىمەت تاراپىنان قولداۋ تاۋىپ, 2026-2030 جىلدارعا ارنالعان قازاقستان رەسپۋبليكاسىنىڭ يننوۆاتسيالاردى دامىتۋ تۇجىرىمداماسىنىڭ قۇرامداس بولىگىنە اينالدى.
اكادەميا جۇرگىزگەن فورسايتتىق زەرتتەۋلەردىڭ ناتيجەلەرى بويىنشا ۇلىتاۋ وبلىسىندا عىلىمي كۇن ءتارتىبى مينەرالدىق شيكىزاتتى كەشەندى وڭدەۋ, گەولوگيالىق بارلاۋ مەن مەتاللۋرگيانى تسيفرلاندىرۋ, ەكولوگيالىق قاۋىپسىزدىك, سۋ رەسۋرستارىن باسقارۋ جانە اگروونەركاسىپتىك كەشەندى عىلىمي سۇيەمەلدەۋ باعىتتارىنا شوعىرلانۋعا ءتيىس.
ۇلىتاۋ ءۇشىن زاماناۋي اەروگەوفيزيكالىق تەحنولوگيالاردىڭ, 3D مودەلدەۋدىڭ جانە جاساندى ينتەللەكت قۇرالدارىنىڭ ماڭىزى ەرەكشە ەكەنى اتاپ ءوتىلدى. وسىعان بايلانىستى اكادەميا Critical Minerals TechNet (2027–2031 جج.) فلاگماندىق باعدارلاماسىنىڭ عىلىمي-تەحنيكالىق تاپسىرماسىن ازىرلەدى. باعدارلاما سيرەك جانە ستراتەگيالىق مەتالداردى بارلاۋ مەن يگەرۋدىڭ ۇلتتىق تسيفرلىق كونتۋرىن قالىپتاستىرۋعا باعىتتالعان.
وتىرىس بارىسىندا قىتايدىڭ جەتەكشى عىلىمي ۇيىمدارىمەن تەحنولوگيالار ترانسفەرتى جانە تاۋ-كەن مەتاللۋرگيا كەشەنىن دامىتۋ, گەولوگيالىق بارلاۋ جۇمىستارىن تسيفرلاندىرۋ, اەرو-گەوفيزيكالىق زەرتتەۋلەر جۇرگىزۋ, زاماناۋي بارلاۋ ادىستەرىن ەنگىزۋ, 3D مودەلدەۋ, جاساندى ينتەللەكت تەحنولوگيالارىن پايدالانۋ, تەحنوگەندىك مينەرالدىق شيكىزاتتى قايتا وڭدەۋ جانە ستراتەگيالىق ماڭىزى بار مەتالداردى ءوندىرۋ ماسەلەلەرى جان-جاقتى تالقىلاندى. اكادەميا سونداي-اق سۋ رەسۋرستارىن جاساندى ينتەللەكت كومەگىمەن باسقارۋ, جاڭا ماتەريالدار, اگروبيوتەحنولوگيا جانە فارماتسەۆتيكا باعىتتارى بويىنشا فلاگماندىق باعدارلامالاردى ازىرلەپ جاتىر.
كوشپەلى وتىرىس بارىسىندا ۇلىتاۋ وبلىسىنىڭ عىلىمي-تەحنولوگيالىق دامۋىنىڭ باسىم باعىتتارى مەن وتاندىق عىلىمي ازىرلەمەلەردى ەكونوميكانىڭ ناقتى سەكتورىنا ەنگىزۋ تەتىكتەرى قاراستىرىلادى.
وتىرىستا بۇدان بولەك بىرقاتار باعىتتاعى ماسەلە تالقىلاندى:
تاۋ-كەن ونەركاسىبى جانە مەتاللۋرگيا – مينەرالدىق شيكىزاتتى تەرەڭ وڭدەۋ, ءوندىرىس تيىمدىلىگىن ارتتىرۋ, ونەركاسىپتىك قاۋىپسىزدىك جانە رەسۋرس ۇنەمدەۋشى تەحنولوگيالار;
ستراتەگيالىق, سيرەك جانە سيرەك جەر مەتالدارى – جاڭا ماتەريالدار, ەنەرگەتيكا, ەلەكترونيكا جانە جوعارى تەحنولوگيالىق وندىرىستەر ءۇشىن عىلىمي-تەحنولوگيالىق بازانى قالىپتاستىرۋ;
گەولوگيا جانە جەر قويناۋىن ۇتىمدى پايدالانۋ – ۇشقىشسىز ۇشۋ اپپاراتتارى نەگىزىندەگى اەرو-گەوفيزيكا, گەولوگيالىق دەرەكتەردى تسيفرلاندىرۋ, كەن ورىندارىن بولجاۋ, 3D مودەلدەۋ جانە ماشينالىق وقىتۋ مەن جاساندى ينتەللەكت نەگىزىندەگى ينتەرپرەتاتسيا;
ەكولوگيالىق جانە سۋ قاۋىپسىزدىگى – قالدىق ساقتاۋ ورىندارىنىڭ مونيتورينگى, ب ۇلىنگەن جەرلەردى قالپىنا كەلتىرۋ, سۋ رەسۋرستارىن باسقارۋ جانە تەحنوگەندىك جۇكتەمەنى تومەندەتۋ;
اگروونەركاسىپتىك كەشەن جانە مال شارۋاشىلىعى – سەلەكتسيا, جەمشوپ ءوندىرىسى, ۆەتەريناريالىق قاۋىپسىزدىك, جايىلىمداردى باسقارۋ جانە تسيفرلىق مونيتورينگ;
ادامي كاپيتال جانە وڭىرلىك عىلىمي ينفراقۇرىلىم – كادرلار دايارلاۋ, عىلىمي كونسورتسيۋمداردى دامىتۋ, فورسايت-ورتالىق قۇرۋ جانە عىلىم, ءبىلىم, اكىمدىك پەن بيزنەس اراسىنداعى ءوزارا ءىس-قيمىلدى كۇشەيتۋ.
عىلىمي باس قوسۋدىڭ قورىتىندىسى بويىنشا ۇلىتاۋ وبلىسىنىڭ عىلىمي-تەحنولوگيالىق دامۋىن جەدەلدەتۋگە, يننوۆاتسيالىق شەشىمدەردى وندىرىسكە ەنگىزۋگە, ەكولوگيالىق جانە سۋ قاۋىپسىزدىگىن قامتاماسىز ەتۋگە, ادامي كاپيتالدى دامىتۋعا جانە ءوڭىردىڭ باسەكەگە قابىلەتتىلىگىن ارتتىرۋعا باعىتتالعان قارار مەن بىرلەسكەن ءىس-قيمىل جوسپارى قابىلداندى.
سونداي-اق جەزقازعان قالاسىنداعى «Kazakhmys Barlau» جشس گەولوگيالىق كلاستەرى بازاسىندا ۇلتتىق عىلىم اكادەمياسىنىڭ وڭىرلىك فورسايت-ورتالىعى اشىلدى.
ۇلىتاۋ وبلىسى
