فوتو: Gradel Muyisa Mumbere / Reuters
وقيعا رۆامپارا قالاسىندا بولعان. مارقۇم بولعان جەرگىلىكتى فۋتبولشىنىڭ جاقىندارى ونىڭ دەنەسىن اۋرۋحانادان كۇشپەن الىپ كەتۋگە تىرىسقان. بۇعان دەيىن ولار ەبولادان قايتىس بولعان ادامداردى قاۋىپسىز جەرلەۋ راسىمىنەن باس تارتقان. ماماندار مۇنداي شەشىم اۋرۋدىڭ تارالۋ قاۋپىن ارتتىراتىنىن ەسكەرتىپ, مارقۇمنىڭ دەنەسىن بەرۋدەن باس تارتقان.
مارقۇمنىڭ اناسى ۇلىنىڭ ەبولادان ەمەس, ءىش سۇزەگىنەن قايتىس بولعانىنا سەنەتىنىن ايتىپ, تۋىستارىمەن بىرگە مەديتسينالىق پالاتكالارعا ءورت قويعان. شابۋىل كەزىندە التى ناۋقاس قاۋىپسىز جەرگە كوشىرىلگەن.
بۇعان دەيىن دۇنيەجۇزىلىك دەنساۋلىق ساقتاۋ ۇيىمى كونگونىڭ سولتۇستىك-شىعىسىندا ەبولانىڭ ورشىگەنىن حابارلاعان بولاتىن. وسىدان كوپ ۇزاماي جاڭا دەرت بەلگىلەرىنىڭ ەۋروپادا دا پايدا بولعانىن جازعان ەدىك.
