فوتو: اشىق دەرەككوز
پلاتفورما وكىلدەرىنىڭ ايتۋىنشا, بۇل باستاما جىل بويى شاكىرتتەرگە ءبىلىم بەرىپ, قولداۋ كورسەتكەن مۇعالىمدەردىڭ ەڭبەگىن باعالاۋعا باعىتتالعان.
ۆيرتۋالدى گۇل جىبەرۋ ءۇشىن پايدالانۋشىلار BilimClass جۇيەسىندەگى ارنايى گۇل بەلگىشەسىن باسىپ, قاجەتتى مۇعالىمدى تاڭداپ, تىلەگىن جازىپ جىبەرە الادى.
«ەندى ءاربىر وقۋشى ۇستازىن جىلدام ءارى شىعىنسىز قۇتتىقتاي الادى. گۇل شوعىن سىيلاۋ ءۇشىن وقۋشىلار مەن اتا-انالار BilimClass پلاتفورماسىنداعى گۇل بەلگىشەسىن باسىپ, مۇعالىمدەردى تاڭداپ, ولارعا جۇرەكجاردى تىلەگىن جازىپ جىبەرە الادى. ناۋقان 26 مامىرعا دەيىن جالعاسادى. ول كۇنى مۇعالىمدەر بارلىق گۇل شوقتارىن الىپ, وقۋشىلارىنان كەلگەن حاتتاردى وقي الادى», دەيدى BilimClass ءونىم جەتەكشىسى فارحات ۇسەن.
قازىر پلاتفورمانى قازاقستاننىڭ 13 وڭىرىندە 2,2 ميلليون وقۋشى جانە 300 مىڭنان استام مۇعالىم پايدالانىپ كەلەدى.
ەندى مۇعالىم وقۋشىعا تەك ساباق كەزىندە جاۋاپتى: ءماجىلىس جاڭا زاڭدى ماقۇلدادى
جوبانى تسيفرلىق ءبىلىم بەرۋ تەحنولوگيالارى سالاسىندا 15 جىلدان استام تاجىريبەسى بار Bilim Group ازىرلەگەن. كومپانيا ەكوجۇيەسىنە OnlineMektep, BilimLand, BilimKids, Kitap.kz جانە باسقا دا سەرۆيستەر كىرەدى.
ايتا كەتەيىك, قازاقستان بويىنشا بيىل 215 مىڭنان استام وقۋشى مەكتەپ بىتىرەدى.
