فوتو: @batyr_fighting
وقيعا الەۋمەتتىك جەلىدە تاراعان بەينەجازبادان كەيىن بەلگىلى بولدى. ۆيدەودا Toyota Camry كولىگىنىڭ جولاۋشىلارى قوزعالىس كەزىندە قاۋىپسىزدىك بەلدىگىن تاقپاي, قاۋىپتى ارەكەت جاساعان.
اتىراۋ وبلىستىق پوليتسيا دەپارتامەنتىنىڭ مالىمەتىنشە, تەكسەرۋ ناتيجەسىندە ەكى جولاۋشى اكىمشىلىك جاۋاپكەرشىلىككە تارتىلعان. سونداي-اق Ford Mustang كولىگىن باسقارعان 38 جاستاعى جۇرگىزۋشى, ياعني كۋات حاميتوۆ, قاۋىپسىزدىك بەلدىگىن تاقپاعانى ءۇشىن اكىمشىلىك جاۋاپقا تارتىلعان.
«اتالعان قۇقىقبۇزۋشىلىقتار ءۇشىن ولار اكىمشىلىك جاۋاپكەرشىلىككە تارتىلدى. سونىمەن قاتار كورسەتىلگەن زاڭ بۇزۋشىلىقتارعا جول بەرگەن 20 جاستاعى كولىك جۇرگىزۋشىسى دە اكىمشىلىك جاۋاپقا تارتىلدى. بۇدان بولەك, Ford Mustang اۆتوكولىگىن باسقارعان 38 جاستاعى جۇرگىزۋشى قاۋىپسىزدىك بەلدىگىن تاقپاي كولىك باسقارعانى ءۇشىن اكىمشىلىك جاۋاپكەرشىلىككە تارتىلدى», دەلىنگەن اتىراۋ وبلىسى پوليتسيا دەپارتامەنتىنىڭ حابارلاماسىندا.
جىلدامدىقتى ساعاتىنا 2 شاقىرىمعا اسىرعانى ءۇشىن ايىپپۇل سالىنا ما؟
ۆيدەو العاشىندا Batyr Fighting Championship ءتۋرنيرىن ۇيىمداستىرۋشىلاردىڭ Instagram پاراقشاسىندا جاريالانىپ, كەيىن وشىرىلگەن. كادرلاردا ماحامبەت وتەمىس ۇلى اتىنداعى وبلىستىق دراما تەاترىنىڭ اكتريساسى لاشىن نۇركەنقىزى قوزعالىستا كەلە جاتقان جەڭىل كولىكتىڭ تەرەزەسىنەن دەنەسىن شىعارىپ, كۋات حاميتوۆتى قارسى الىپ تۇرعانى كورىنەدى.
جەكپە-جەك شەبەرى جازانىڭ ءادىل تاعايىندالعانىن ايتىپ, بەينەجازبانىڭ جارنامالىق ماقساتتا تۇسىرىلگەنىن جەتكىزدى.
ەسكە سالا كەتەيىك, بۇعان دەيىن قۋات حاميتوۆ رەسەيلىك الەكساندر شلەمەنكومەن جەكپە-جەك وتكىزىپ, جەڭىلىس تاپقان ەدى.
