بۇل نورما زاڭدى تۇلعالاردىڭ ءبىرىنشى باسشىلارىنا, ولاردى الماستىراتىن تۇلعالارعا, جەكە كاسىپكەرلەرگە جانە جەكە پراكتيكامەن اينالىساتىن ازاماتتارعا قاتىستى قولدانىلادى.
سالىق كەڭەسشىسى ايدار ماساتباەۆ تۇسىندىرگەندەي, شەكتەۋ بىردەن ەنگىزىلمەيدى. ول ءۇشىن بىرنەشە تالاپ قاتار ورىندالۋى قاجەت.
اتاپ ايتقاندا, بەرەشەك كولەمى 27 مىڭ اەك-تەن اسۋى, قارىز ءۇش ايدان استام ۋاقىت وتەلمەۋى جانە وعان دەيىن شوتتاردى بۇعاتتاۋ, م ۇلىككە شەكتەۋ قويۋ, دەبيتورلار ارقىلى ءوندىرىپ الۋ سەكىلدى ستاندارتتى شارالار قولدانىلۋى ءتيىس.
دەپۋتات سالىق رەجيمى بويىنشا ەل اۋماعىندا بىرىڭعاي مولشەرلەمە ەنگىزۋدى ۇسىندى
وسىدان كەيىن عانا سالىق ورگانى ەلدەن شىعۋعا شەكتەۋ قويۋ تۋرالى قاۋلى شىعارا الادى. بىراق ول اۆتوماتتى تۇردە كۇشىنە ەنبەيدى – مىندەتتى تۇردە سوت سانكتسياسىنان ءوتۋى كەرەك.
ماماننىڭ ايتۋىنشا, سوت مۇنداي ماتەريالداردى ءۇش جۇمىس كۇنى ىشىندە قاراپ, شەكتەۋدى ماقۇلداۋى نەمەسە ودان باس تارتۋى مۇمكىن.
ساراپشى جاڭا وزگەرىستىڭ باستى ەرەكشەلىگى – سالىقتىق قىسىمنىڭ ەندى تەك كومپانياعا ەمەس, ناقتى باسشىعا دا اسەر ەتەتىنىندە ەكەنىن اتاپ ءوتتى.
بۇعان دەيىن سالىقتىق اكىمشىلەندىرۋ نەگىزىنەن كومپانيا اكتيۆتەرىنە ىقپال ەتۋ ارقىلى جۇرگىزىلسە, ەندى باسشىنىڭ جەكە قۇقىقتارىنا دا اسەر ەتۋ تەتىگى ەنگىزىلىپ وتىر. بۇل اسىرەسە شەتەلدىك ءىسساپارلار مەن حالىقارالىق كەلىسىمدەرگە تاۋەلدى توپ-مەنەدجەرلەر ءۇشىن ماڭىزدى ماسەلە بولۋى مۇمكىن.
سالىق كودەكسىندەگى وزگەرىس: كونستيتۋتسيالىق سوتقا جۇگىنۋ كەزىندە تولەنەتىن باج سالىعى جويىلۋى مۇمكىن
سونىمەن قاتار ساراپشى اقپاراتتىق جۇيەلەردەگى قاتەلىكتەر تاۋەكەل تۋعىزاتىنىن ايتتى. ونىڭ سوزىنشە, سالىق ورگاندارىنىڭ جۇيەسىندە كەيدە قارىزدىڭ قاتە كورسەتىلۋى نەمەسە تولەمدەردىڭ ەكى رەت ەسەپتەلۋى سەكىلدى جاعدايلار كەزدەسەدى.
زاڭ بويىنشا قارىز وتەلگەننەن كەيىن نەمەسە قاتە انىقتالعان جاعدايدا شەكتەۋ ءبىر جۇمىس كۇنى ىشىندە الىنۋى كەرەك. الايدا مالىمەتتەردىڭ مەملەكەتتىك ورگاندار اراسىندا بەرىلۋى بەلگىلى ءبىر ۋاقىت الۋى مۇمكىن.
ايدار ماساتباەۆ كومپانيالارعا شىلدەگە دەيىن سالىق ورگاندارىمەن ەسەپ ايىرىسۋدى تۇراقتى تەكسەرىپ, قارىزدىڭ جينالۋىنا جول بەرمەۋگە جانە اقپاراتتىق جۇيەلەردەگى دەرەكتەردىڭ دۇرىستىعىن باقىلاۋعا كەڭەس بەردى.
