ەل ازاماتتارى ەندى جەكە كاسىپكەرلىك اتاۋىن مەملەكەتتىك ورگاندارعا بارماي-اق ونلاين وزگەرتە الادى. جاڭا قىزمەت تولىق تسيفرلاندىرىلىپ, بىرنەشە مينۋت ىشىندە راسىمدەلەدى, دەپ حابارلايدى Egemen.kz.
Uchet.kz مالىمەتىنشە, كاسىپكەرلەر تىركەۋ دەرەكتەرىن eLicense.kz پورتالى نەمەسە كەيبىر ەكىنشى دەڭگەيلى بانكتەردىڭ ءموبيلدى قوسىمشالارى ارقىلى جاڭارتا الادى.
قىزمەتتى پايدالانۋ ءۇشىن كاسىپكەر پورتالعا ەلەكتروندى تسيفرلىق قولتاڭبا نەمەسە SMS-پارول ارقىلى كىرۋى قاجەت. ودان كەيىن جەكە كاسىپكەرلىكتىڭ تىركەۋ دەرەكتەرىن وزگەرتۋ قىزمەتىن تاڭداپ, جاڭا اتاۋدى ەنگىزەدى. ءوتىنىش ەلەكتروندى قولتاڭبامەن راستالىپ, اۆتوماتتى تۇردە مەملەكەتتىك كىرىستەر ورگاندارىنا جولدانادى.
كاسىپكەرلەر سالىق رەجىمىن تاڭدادى
جۇيە ءوتىنىشتى تەكسەرگەن سوڭ, جاڭارتىلعان مالىمەتتەر مەملەكەتتىك دەرەكتەر بازاسىندا اۆتوماتتى تۇردە وزگەرتىلەدى.
تىركەۋ دەرەكتەرىن جاڭارتۋ ءتارتىبى قازاقستاننىڭ سالىق كودەكسىنىڭ 80-بابىنا سايكەس جۇرگىزىلەدى. زاڭ بويىنشا كاسىپكەرلەر تىركەۋ دەرەكتەرى وزگەرگەن جاعدايدا بۇل تۋرالى 10 جۇمىس كۇنى ىشىندە حابارلاۋعا ءتيىس.
الاياقتىق تىيىلماي تۇر: جەكە كاسىپكەر جازىقسىز جازا ارقالادى