استانادا جول جۇمىسىنىڭ جۇرگىزىلۋىنە بايلانىستى 22-24 مامىر ارالىعىندا تۇران داڭعىلى بويىنداعى جەرگىلىكتى جول وتكەلى تولىقتاي جابىلادى, دەپ حابارلايدى Egemen.kz.
«جۇرگىزۋشىلەر مەن جاياۋ جۇرگىنشىلەر ءجۇرۋ باعىتىن الدىن الا جوسپارلاۋى جانە ىقتيمال وزگەرىستەردى ەسكەرۋى قاجەت. قاۋىپسىزدىكتى قامتاماسىز ەتۋ جانە قولايسىزدىقتى ازايتۋ ءۇشىن ۋاقىتشا جول بەلگىلەرى مەن كورسەتكىشتەر ورناتىلادى», دەلىنگەن اقپاراتتا.
ايتا كەتەيىك, استانادا «تاۋەلسىزدىك داڭعىلىن ء(ال-فارابي) جالعاستىرۋ قۇرىلىسى» جوباسى اياسىندا بىرقاتار كوشەدە كولىك قوزعالىسىنا ۋاقىتشا شەكتەۋ ەنگىزىلەدى. قالا اكىمدىگىنىڭ مالىمەتىنشە, 25 مامىردان باستاپ جىل سوڭىنا دەيىن ءال-فارابي داڭعىلى مەن فاريزا وڭعارسىنوۆا كوشەسىنىڭ قيىلىسىندا قوزعالىس تولىقتاي جابىلادى.