اتىراۋدا ۇلتتىق ۇلاننىڭ 5546 اسكەري ءبولىمىنىڭ اسكەري قىزمەتشىلەرى مەن قىلمىستىق-اتقارۋ جۇيەسىنىڭ (قاج) كوميتەتىنىڭ قىزمەتكەرلەرى تۇزەۋ مەكەمەسىنە تىيىم سالىنعان زاتتاردى زاڭسىز كىرگىزۋ ارەكەتىنىڭ جولىن كەستى. وقيعا №15 مەكەمەسىنىڭ باقىلاۋ-وتكىزۋ ورنىندا بولعان, دەپ حابارلايدى Egemen.kz.
تەكسەرۋ كەزىندە «گازەل» ماركالى كولىك ءجىتى قارالعان. ۇلاندىقتار «شاح» اتتى قىزمەتتىك-ىزدەستىرۋ ءيتتىڭ كومەگىمەن كولىك سالونىندا كۇماندى زات بارىن انىقتاعان. ناتيجەسىندە كولىك سالونىنداعى قالتاشالاردىڭ بىرىنەن ىشىندە وزىنە ءتان ءيىسى بار وسىمدىك تەكتەس زات سالىنعان پلاستيكالىق بانكا تابىلعان.
جالعان ءنومىر تاققاندار ەندى تۇرمەگە جابىلا ما؟ دەپۋتات قىلمىستىق جاۋاپكەرشىلىك ەنگىزۋدى ۇسىندى
وسىلايشا تىيىم سالىنعان زاتتاردى رەجيمدىك نىسان اۋماعىنا وتكىزۋ ارەكەتى دەر كەزىندە توقتاتىلدى. وقيعانىڭ تولىق ءمان-جايىن انىقتاۋ ماقساتىندا قۇقىق بۇزۋشىلىققا قاتىسى بولۋى مۇمكىن ازاماتتار تەكسەرىلىپ جاتىر.
بىلتىر تۇرمەگە اكەلىنگەن كىر جۋعىش ۇنتاقتان 11 تەلەفون تابىلعان.